بۇل تۋرالى اقوردانىڭ باسپا ءسوز قىزمەتىنەن حابارلادى.
كەڭەستە ەتنوسارالىق قارىم-قاتىناستار ماسەلەلەرى جونىندە مادەنيەت جانە سپورت مينيسترلىگى مەن قازاقستان حالقى اسسامبلەياسىنىڭ عىلىمي- ساراپشىلىق كەڭەسى بىرلەسىپ وتكىزگەن الەۋمەتتىك زەرتتەۋ ناتيجەلەرى قارالدى.
وتىرىسقا پرەزيدەنت اكىمشىلىگىنىڭ باسشىلىعى، مۇددەلى مينيسترلىكتەر مەن ۆەدومستۆولار وكىلدەرى، ق ح ا- نىڭ عىلىمي- ساراپشىلىق كەڭەسى مۇشەلەرى قاتىستى.
زەرتتەۋلەر قورىتىندىسىن ق ح ا عىلىمي- ساراپشىلىق كەڭەسى ءتوراعاسىنىڭ ورىنباسارى، ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ورتالىق ازياداعى ەتنوسارالىق جانە كونفەسسياارالىق قاتىناستاردى زەرتتەۋ ورتالىعىنىڭ جەتەكشىسى ايگۇل ءسادۋاقاسوۆا تانىستىردى.
گ. ءابدىقالىقوۆا الەۋمەتتىك زەرتتەۋلەر جۇرگىزۋ وبەكتيۆتى قاجەتتىلىك ەكەنىن، ونىڭ قورىتىندىلارى مەملەكەتتىك ەتنوساياساتتىڭ نەگىزگى باعىتتارىن، ىسكە اسىرىلۋ جولدارى مەن ادىستەرىن ايقىنداۋعا سەپتىگىن تيگىزەتىنىن اتاپ كورسەتتى.
مەملەكەتتىك حاتشى تانىستىرىلىم قورىتىندىسى بويىنشا مەملەكەتتىك ورگاندارعا ءبىرقاتار ناقتى تاپسىرمالار بەردى.