«قازىر «قازاق» دەگەن اتقا كىم لايىق؟ انا تىلىنەن جۇرداي، سالت-ساناسىن ۇمىتقان ءدۇبارا ادامدار دا وزدەرىن قازاقپىز دەيدى. اناسى - كارىس، اكەسى - ورىس گەننادي گولوۆكين دە ءوزىن «قازاقپىن» دەپ ءجۇر. ەگەر وسىلاي جۇرە بەرسەك، بولاشاقتا كىمنىڭ شىنايى قازاق ەكەنىن اجىراتا المايتىن بولامىز»، - دەپ جازادى پورتال.
سول سەبەپتى، قازاق دەگەننىڭ كىم ەكەنىن انىقتاپ الۋىمىز قاجەت دەيدى ماتەريال اۆتورى.
«ول ءۇشىن باستى تالاپ ءتىل بولسىن. ياعني، كىم انا ءتىلىن بىلەدى سول قازاق. ال انا ءتىلىن بىلمەيتىندەردىڭ ءتولقۇجاتىنا «شالا قازاق» دەپ جازعان ءجون»، - دەلىنگەن پورتالداعى جازبادا.
اۆتوردىڭ جازۋىنشا، مۇنداي تاجىريبە بۇرىن بولعان. ياعني، اتا-بابالارىمىز سىڭبەلەردى نەمەسە تىلىنەن بەزگەندەردى شالا قازاق دەپ اتاعان.
«ءتىپتى ولار ارنايى كۋالىك بەرگەن. اتاقتى شەجىرە-تاريحشى قۇربانعالي حاليد: «شالا قازاقتىققا بەرىلەتىن مەنىڭ الدىمدا ءبىر كۋالىك جاتىر. 1834-جىلى ۇلتى دەگەنگە «شالا قازاق» دەپ جازىپتى. 2691 ءنومىرلى. بۇل شاح ءازىم دەگەن كىسىگە بەرىلگەن ەكەن. 1885-جىلى 99 جاسىندا قايتىس بولدى» دەپ جازادى. («تاۋاريح حامسا» الماتى. «قازاقستان»، 1992.155-بەت)»، - دەيدى اۆتور.
بۇل تاجىريبە العاش اياكوز جەرىنەن باستالعان ەكەن. سول كەزدە وسىنداي كۋالىكتى 10 مىڭداي ادام الىپتى. اۆتور وسى تاجىريبەنى قايتادان جاڭعىرتۋ كەرەك دەپ ەسەپتەيدى.