بۇعان دەيىن پرەزيدەنت ەلدىڭ الەۋمەتتىك مىندەتتەمەلەردەن باس تارتپايتىنىن، تەگىن مەديتسينالىق كومەك الۋعا قۇقىعى كونستيتۋتسيادا بەكىتىلگەنىن ايتقان ەدى.
- تەگىن مەديتسينالىق قىزمەتتەردىڭ ءتىزىمى مۇنىمەن تۇگەسىلمەيدى. ازاماتتارىمىزدىڭ باسىم بولىگى ونىڭ يگىلىگىن كورىپ جاتىر. ءبىر قىزىعى، نەگە ەكەنى بەلگىسىز، اقىسىز مەديتسينالىق كومەككە جۇگىنۋشىلەردىڭ سانى جازعى دەمالىستان كەيىن كۇزدە، قىستا جانە ەرتە كوكتەمدە كۇرت ارتىپ، كەلەسى دەمالىستارعا دەيىن جالعاسادى، - دەدى قاسىم-جومارت توقايەۆ پرەزيدەنت ساياباعىندا وتكەن «تازا قازاقستان» ەكولوگيالىق اكسياسىندا.
سونداي-اق پرەزيدەنت ءوز ۇسىنىسىمەن قۇرىلعان «قازاقستان حالقىنا» قورىن ەسكە سالدى. اتالعان قور دا كوپ كومەك كورسەتەدى، اسىرەسە اۋىر دەرتكە شالدىققان بالالارعا قول ۇشىن سوزادى.
- دارىگەرلەردىڭ مالىمەتى بويىنشا مۇنداي جەڭىلدىكتەردى وتكەن عاسىرداعى سوعىستار مەن قاقتىعىستارعا، اپاتتاردى جويۋعا قاتىسقان «ارداگەرلەر» پايدالانىپ ءجۇر. بۇل وقيعالاردىڭ ءبارى تاريح قويناۋىنا كەتتى، ءبىراق، نەگە ەكەنى تۇسىنىكسىز، ارداگەرلەر جاسارا بەرەدى، - دەدى مەملەكەت باسشىسى.
الەۋمەتتىك سالادا، اسىرەسە، ءتۇرلى دەڭگەيدەگى مۇگەدەكتىكتى ايقىنداعان كەزدە ءالى دە زاڭدى بەلدەن باسۋ فاكتىلەرى كەزدەسەدى.
- ءبىز كەزدەرى مۇگەدەكتىگى بار جاندار 800 مىڭنان اسىپ كەتتى، ال حالىق سانى - 20 ميلليون. بەيبىت زاماندا بۇعان سەنۋ قيىن. جازۋشى چەحوۆتىڭ سوزىمەن ايتساق، «بۇلاي بولماۋعا ءتيىس، ويتكەنى ولاي بولۋى ەشقاشان مۇمكىن ەمەس»، - دەدى ق. توقايەۆ.
بۇعان دەيىن پرەزيدەنت ەل ىشىندەگى جولداردىڭ ساپاسىنا شۇيلىگىپ، سابوتاجعا تەڭەگەن ەدى.
قازاقستاننىڭ ءىرى قالالارىنداعى تازالىق، قاۋىپسىزدىك جانە جايلى قوعامدىق كەڭىستىكتەر شەتەلدىك قوناقتاردىڭ دا نازارىن اۋدارىپ وتىر.
سونداي-اق استانالىق ۋربانيستيكا ورتالىعىنىڭ تاجىريبەسىن وڭىرلەرگە تاراتۋ قاجەت.