وبلىس اكىمىنىڭ باسپا ءسوز قىزمەتى قىزدى قۇدىقتان الىپ شىقپاق بولىپ قازا بولعان ازامات تۋرالى اقپارات تاراتتى. بەلگىلى بولعانداي، ن. بەردىعاليەۆ بايعانين بالالار- جاسوسپىرىمدەر سپورت مەكتەبىندە جاتتىقتىرۋشى بولعان. مارقۇمنىڭ ارتىندا التى بالاسى قالدى.
- ن. بەردىعاليەۆ 2017 -جىلدىڭ قىركۇيەك ايىنان باستاپ جارلى اۋىلىنا قونىس اۋدارىپ، ەركىن كۇرەس جاتتىقتىرۋشى قىزمەتىن باستادى. سول ۋاقىتتان ءومىرىنىڭ سوڭىنا دەيىن 40-قا جۋىق رەسپۋبليكا، وبلىستىق دەڭگەيدەگى جارىستاردىڭ جۇلدەگەرلەرى مەن جەڭىمپازدارىن دايىندادى. سونىمەن قاتار 20 شاكىرتى قازاقستان رەسپۋبليكاسىنىڭ «سپورت شەبەرلىگىنە ۇمىتكەر» نورماتيۆىن ورىندادى. ونىڭ ارتىندا 6 بالاسى قالدى، - دەلىنگەن حابارلامادا.
ەسكە سالساق، 17 -ماۋسىمدا بايعانين اۋدانىنا قاراستى كولتابان اۋىلدىق وكرۋگىندەگى جارلى اۋىلىندا، ءۇي اۋلاسىندا ورنالاسقان تەرەڭدىگى شامامەن 10 مەتر، قوقىسقا تولى قۇدىققا 9 جاستاعى قىز بالا قۇلاپ كەتكەن. بالاقايدى قۇتقارماق بولعان 1987 -جىلى تۋعان ەر ادام قۇدىققا تۇسكەن، الايدا قايتا شىعا الماعان.