اقمولا وبلىسىندا قۇنى 70 ميلليون تەڭگە بولاتىن جەر مەملەكەتكە قايتارىلدى
09:08, 02 - قازان 2024
كوكشەتاۋ. KAZINFORM - اقمولا وبلىسى پروكۋراتۋراسى وڭىردە زاڭسىز بەرىلگەن جەر ۋچاسكەسىن مەملەكەتكە قايتاردى.
كوكشەتاۋ قالاسىنىڭ پروكۋراتۋراسى تۇراقتى نەگىزدە جەرگىلىكتى اتقارۋشى ورگاندارمەن جەر زاڭناماسىنىڭ ساقتالۋىنا مونيتورينگ پەن تالداۋ جۇمىستارىن جۇرگىزۋدە.
«جەرگىلىكتى اتقارۋشى ورگانداردىڭ اۋكتسيون جۇرگىزبەستەن وندىرىستىك بازاعا قىزمەت كورسەتۋ ءۇشىن اۋماعى 1,3 گ ا جەر ۋچاسكەسىنە جەكە مەنشىك قۇقىعىن بەرگەنى انىقتالدى.
قابىلدانعان شارالاردىڭ ناتيجەلەرى بويىنشا نارىقتىق قۇنى 70 ميلليون تەڭگەدەن اساتىن جەر ۋچاسكەسى مەملەكەتكە كايتارىلدى»، - دەپ جازدى باقىلاۋشى ورگاننان.
اتالعان باعىتتا جۇمىس جالعاسۋدا.