پاۆلودارلىق جۇرگىزۋشىلەر «001» ءنومىرىن 1 ميلليون تەڭگەگە ساتىپ الىپ جاتىر
پاۆلودار. KAZINFORM - وڭىردە «001»، «007» نومىرلەرىن ءبىر ميلليون تەڭگەگە ساتىپ الۋعا بولادى. جىل باسىنان بەرى پاۆلودار وبلىسىنىڭ اۆتوكولىك يەلەرى «ادەمى» نومىرلەرگە 223 ميلليون 717 تەڭگە جۇمسادى.
بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسى» پاۆلودار وبلىسى بويىنشا فيليالىنىڭ ديرەكتورى اسىلبەك ساپاربەك ۇلى حابارلادى.
- كليەنتتەر مامانداندىرىلعان حالىققا قىزمەت كورسەتۋ ورتالىقتارىندا ۇسىنىلعان نومىرلەردەن تاڭداۋ جاساي الادى نەمەسە نومىرگە ءوز قالاۋى بويىنشا تاپسىرىس بەرە الادى. جۇرگىزۋشىلەر ەڭ ادەمى «001»، «007» نومىرلەرىن ءبىر ميلليون تەڭگەگە ساتىپ العان. كولىك قۇرالى ساتىلعان جاعدايدا كليەنت ءنومىردى مامانداندىرىلعان ح ق ك و- دا ءوز اتىنا قالدىرۋعا قۇقىلى. قىزمەت باعاسى - 10000 تەڭگە. ەگەر ازامات قالىپتى ءنومىردى ساقتاۋعا قالدىرۋدى شەشسە، وندا التى ايدان كەيىن ءنومىر كادەگە جاراتۋعا جاتادى. ال VIP ءنومىر ەسكىرۋ مەرزىمىنسىز ساقتالادى، - دەيدى فيليال باسشىسى.
قازىرگى ۋاقىتتا اۆتوكولىك يەسى ءۇشىن جۇرگىزۋشى كۋالىگىن اۋىستىرۋ قىزمەتى دە قولجەتىمدى. ءوتىنىشتى قوسىمشا ارقىلى بەرۋگە جانە ءبىر ساعات ىشىندە مامانداندىرىلعان ح ق ك و- دا دايىن جۇرگىزۋشى كۋالىگىن الۋعا بولادى. اۆتوكولىكتى ساتىپ الۋ جانە رەسىمدەۋ كەزىندە ءاربىر ازامات اۆتوكولىككە مەملەكەتتىك تىركەۋ ءنومىرىن الۋعا مىندەتتى.
ەسكە سالا كەتەيىك، كولىكتى تەحنيكالىق تەكسەرۋ سالاسىندا وزگەرىس ەنگىزىلمەك.