الەۋمەتتىك جەلىلەردە جاريالانعان اقپاراتقا كۇندەلىكتى مونيتورينگ جاسالادى - جاندوس ومىراليەۆ
استانا. قازاقپارات - Kazinform اگەنتتىگىنىڭ BIZDiÑ ORTA پودكاستىندا ق ر باس پروكۋرورىنىڭ ورىنباسارى جاندوس ومىراليەۆ جۋرناليستىك زەرتتەۋلەر مەن الەۋمەتتىك جەلىلەردە قىزۋ قوعامدىق پىكىر تۋدىرعان جايتتەرگە پروكۋراتۋرانىڭ دەن قويۋىنا قاتىستى پىكىر ءبىلدىردى.
- قازىر كەز كەلگەن قۇقىق قورعاۋ ورگاندارىنىڭ ىستەرى نەمەسە قۇجاتتارى الەۋمەتتىك جەلىلەرگە جاريالانىپ، وعان قاتىستى ءتۇرلى پىكىرلەر ايتىلىپ جاتادى. ارينە، بۇل - ءبىزدىڭ نازارىمىزعا تۇسەتىن ماڭىزدى سيگنال. الايدا، ءبىز شەشىم قابىلداۋ كەزىندە ەموتسياعا بەرىلمەي، تەك ناقتى دەرەكتەرگە سۇيەنەمىز. ءبىزدىڭ باستى قاعيدامىز - زاڭنىڭ ۇستەمدىگى، - دەدى ج. ومىراليەۆ.
ونىڭ ايتۋىنشا، الەۋمەتتىك جەلىلەردە جاريالانعان ماتەريالدار زاڭعا سايكەس جارىق كورگەن جاعدايدا، ياعني سوت نەمەسە تەرگەۋ پروتسەسىنە ارالاسپاسا جانە قىسىم بەلگىلەرى بولماسا، پروكۋراتۋرا بۇل مالىمەتتەردى نازارعا الادى.
- تەك جۋرناليستەر عانا ەمەس، جالپى قوعام مەن الەۋمەتتىك جەلىلەردە جاريالانعان اقپاراتقا كۇندەلىكتى مونيتورينگ جۇرگىزەمىز. بارلىق اقپارات شەشىم قابىلداۋ كەزىندە ەسكەرىلەدى، ءبىراق شەشىمنىڭ ءوزى تەك زاڭ اياسىندا قابىلدانادى، - دەپ تۇيىندەدى باس پروكۋروردىڭ ورىنباسارى.