الەمدە جىل سايىن 11 ميلليون ادامعا پلاستيكالىق وپەراتسيا جاسالادى

استانا. قازاقپارات - الەمدە جىل سايىن 11 ميلليون ادامعا پلاستيكالىق وپەراتسيا جاسالادى. ونىڭ ىشىندە كەيىنگى جىلدارى ەستەتيكالىق تۇرىنە سۇرانىس ارتقان.

حالىقارالىق ەستەتيكالىق قاۋىمداستىقتىڭ دەرەگىنە سۇيەنسەك، دەنە بىتىمىنە كوڭىلى تولمايتىنداردىڭ كوبى وڭتۇستىك كورەيا، برازيليا، ا ق ش جانە مەكسيكادا كەزدەسەدى. ءيا، قازىردە بيۋتي- يندۋستيريا كوز ىلەستىرمەس قارقىنمەن دامىپ كەتتى. دەگەنمەن ونىڭ زياندى تۇستارى دا جەتەرلىك. سۇلۋلىق الەمدى قۇتقارا ما؟ الەم سۇلۋلىقتىڭ قۇربانى ما؟ ارتىق قىلامىن دەپ دەنە بىتىمىنە تىرتىق قالدىرعاندار كوپ.

كورەيادا پلاستيكالىق وپەراتسياعا سۇرانىس كوپ

پلاستيكالىق وتانىڭ وتانى وڭتۇسىك كورەيادا ءمىنسىز ءمۇسىن ءۇشىن ادام سەنگىسىز ارەكەتكە باراتىن ارۋلار كوپ. بۇل ەلدىڭ ءار بەسىنشى تۇرعىنى مەديتسيناعا، ەرنىم كىشكەنتاي، كوزىم قيسىق، مۇرنىم ۇلكەن دەپ شاعىمدانادى. تۇتىنۋشىلاردىڭ پىكىرى بويىنشا ارنايى زەرتتەۋ جۇرگىزەتىن كورەيلىك اگەنتتىكتىڭ اقپاراتىنا سۇيەنسەك، قىز- كەلىنشەكتەردىڭ p- ءى دەنە ءبىتىمىن جاقسارتۋ ءۇشىن، ,5- ءى جايلى قىزمەتكە ورنالاسۋى ءۇشىن، g,8- ءى كوزىن ۇلكەيتۋ ءۇشىن تاۋەكەلگە باراتىن كورىنەدى. وكىنىشتىسى، قىز- كەلىنشىكتەردىڭ 2,3- ءى وپەراتسيادان كەيىنگى تۇرىنە كوڭىلى تولماعان.

ءبىراق تۇتىنۋشىلاردىڭ تالابىن ەلەپ جاتقان ەل جوق. بار جىگەرىن بيۋتي- يندۋستريانى دامىتۋعا جۇمساپ جاتىر. ويتكەنى بۇل سالادان تۇسەتىن تابىس قوماقتى. تاياۋدا عانا وڭتۇستىك كورەيا تۇتىنۋشىعا كوسمەتيكانى تاڭداپ بەرەتىن روبوت جاساپ شىعاردى. تىڭ تەحنولوگيا ادامنىڭ بەت الپەتىن تالداپ، قانداي كوسمەتيكا الۋدى جانە ولاردى قالاي دۇرىس پايدالانۋ جونىنەن كەڭەس بەرەدى.

ساراپشىلار: «سۇلۋلىق جانە كوسمەتيكا يندۋسترياسىندا جاساندى ينتەللەكتىنى پايدالانۋ تابىستى ەكى ەسەگە ارتتىرۋعا مۇمكىندىك بەرەدى»، - دەپ وتىر. ەگەر بىلتىر ونى قولدانۋدان سالا كىرىسى 3,27 ميلليارد دوللارعا وسسە، 2028 -جىلعا قاراي ول 8,1 ميلليارد دوللارعا جەتۋى مۇمكىن دەگەن بولجام بار.

كۆون يۋ- دجين، جەرگىلىكتى تۇرعىن:

- ءار ادامنىڭ تەرىسى، بەت ءپىشىنى وزگەشە بولادى عوي. ءبىراق ادەتتە ادامدار ەڭ كوپ تارالعان ءتۇستى ساتىپ الۋعا بەيىم كەلەدى. سول سەبەپتى كەي كەزدەرى ول ادامنىڭ بەتىنە سايكەس كەلمەي، ءتىپتى كەيدە اللەرگيا تۋدىرادى. سوندىقتان مىنا اقىلدى ماشينا وتە ءتيىمدى قۇرال دەر ەدىم.

پلاستيكالىق وپەراتسيا اۋرۋ تۋدىرۋى مۇمكىن

5000 وپەراتسيا - 1 ءولىم. پلاستيكالىق وتا قاۋىپتى دەۋگە نەگىز بار. سوراقىسى، سۇلۋ بولامىن دەپ جان ءتاسىلىم ەتكەندەر كوپ. كوپتەگەن اۋرۋ وسى وتا كەسىرىنەن اسقىناتىنىن ەشكىم ەسكەرمەيدى. ماسەلەن، نيەۆروز، ىشكى قابىنۋلار، ينفەكسيا، كوزدىڭ كورۋ قابىلەتى، باسقا دا پسيحولوگيالىق جانە فيزيكالىق دەرتكە دۋشار بولۋىڭىز عاجاپ ەمەس.

«ساپاسىز وتادان كەيىن باستاپقى قالىپقا كەلۋ ەكىتالاي»، - دەيدى سالا ماماندارى. ونىڭ ۇستىنە داۋ-داماي تۋماس ءۇشىن وپەراتسيا الدىندا پاتسيەنت پەن حيرۋرگ اراسىندا ەكىجاقتى كەلىسىمشارت قۇرىلادى. كەلىسىمشارتتىڭ تالاپتارىمەن كەلىسپەگەندەرگە وپەراتسيا جاسالمايدى. جالپى الەم بويىنشا مۇنداي 5000 وپەراتسيانىڭ بىرەۋى ادام ولىمىمەن اياقتالاتىن كورىنەدى. ياعني، جاساندى سۇلۋلىقتىڭ قۇنى ومىرمەن تەڭ دەگەن ءسوز. پايداسىنان زيىنا كوپ دەرسىز. دەگەنمەن كوپتىڭ كوكەيىندەگى ءوز-وزىنە كوڭىل تولماۋشىلىقتان قازىردە كوسمەتيكالىق ونىمگە سۇرانىس كوپ. باستىسى - ساپا.

كورەيادا جىلىنا 650 مىڭ پلاستيكالىق وپەراتسيا جاسالادى

وڭتۇستىك كورەيا الەمدىك رەيتينگتە پلاستيكالىق حيرۋرگتار سانى بويىنشا 5 ەلدىڭ قاتارىنا كىرەدى. ەلدە جىل سايىن سىرتقى كەلبەتىن وزگەرتۋگە ارنالعان 650 مىڭعا جۋىق وپەراتسيا جاسالادى. ءبىراق ناۋقاستار مەن ەمحانالار اراسىندا داۋلى وقيعالار بولىپ تۇرادى. جىل سايىن 100-دەن استام شاعىم تۇسەدى. بۇل - وڭتۇستىك كورەياداعى ۇزدىك دەرماتولوگيالىق كلينيكالاردىڭ ءبىرى. مۇندا تەرى اۋرۋلارىن ەمدەيدى. شاش، كىرپىك اۋىستىرۋ وپەراتسيالارى جاسالىپ، قارتايۋعا قارسى ءتۇرلى پروتسەدۋرا جۇرگىزىلەدى. اۋرۋحانادا مەديتسينالىق داۋلار ءىس جۇزىندە بولعان جوق. ءبىراق ەگەر ناۋقاس دارىگەردىڭ جۇمىسىنا كوڭىلى تولماسا، تۋىنداعان ماسەلە تەكسەرىلىپ، داۋدى كەلىسسوزبەن شەشۋگە ءمان بەرىلەدى.

كورەيانىڭ ۇلتتىق ستاتيستيكالىق باسقارماسىنىڭ مالىمەتى بويىنشا وتكەن جىلى ەلدە 1137 پلاستيكالىق حيرۋرگيا ەمحاناسى جۇمىس ىستەگەن. 2295 پلاستيكالىق حيرۋرگ بولعان. 2021 -جىلدان بەرى مۇنداي دارىگەرلەردىڭ جۇمىسىنا پاتسيەنتتەردىڭ شاعىمدارى 5 ەسە ارتىپ، 2023 -جىلى 100-دەن استام داۋلى جاعداي تىركەلگەن. ەگەر ناۋقاس كلينيكانىڭ قىزمەتىنە كوڭىلى تولماسا، مەديتسينالىق اربيتراج ورتالىعىنا نەمەسە زاڭگەرلەرگە حابارلاسىپ، شاعىمدانا الادى.

جاقىندا وڭتۇستىك كيەنسان پروۆينتسياسىنداعى يانسان قالاسىنداعى پلاستيكالىق حيرۋرگيا كلينيكاسىندا شۋ تۋدىرعان وقيعا تىركەلدى. وندا 50 جاستاعى مەدبيكەنىڭ كومەكشىسى وتا جاساعان. ناۋقاستارعا ءوزىن دارىگەرمىن دەپ تانىستىرعان ول 1,5 جىل ىشىندە 72 ادامعا وپەراتسيا جاساپ ۇلگەرگەن. جالعان مامان تۇرمەگە قامالدى. وڭتۇستىك كورەيا زاڭى بويىنشا دارىگەردىڭ ابايسىزدىعىنان ادام قايتىس بولسا، قىلمىسكەر 5 جىلعا دەيىن باس بوستاندىعىنان ايىرىلۋى نەمەسە 14,5 مىڭ دوللارعا دەيىن ايىپپۇل تولەۋى مۇمكىن.

ال ەڭ شۋلى حالىقارالىق جانجال سەۋلدىڭ ايگىلى كاننام اۋدانىنداعى پلاستيكالىق حيرۋرگيا كلينيكاسىندا تىركەلگەن. وندا 20 جاستاعى قىتاي ازاماتى ليپوساكسيا كەزىندە قايتىس بولدى. سوت مارقۇمنىڭ تۋىستارىنا شامامەن 145 مىڭ دوللار كولەمىندە وتەماقى تولەۋ تۋرالى شەشىم قابىلدادى. قايعىلى وقيعادان كەيىن قىتاي ەلشىلىگى ءوز ازاماتتارىنا كورەيانىڭ پلاستيكالىق حيرۋرگتار قاۋىمداستىعىنىڭ سايتىنداعى اۋرۋحانا تۋرالى اقپاراتتى مۇقيات تەكسەرىپ، داۋلار تۋىنداعان جاعدايدا كورەيانىڭ مەديتسينالىق اربيتراجدىق قىزمەتىنە حابارلاسۋعا كەڭەس بەردى.

24.kz