الماتىدا اۆتوبۋس پەن كولىك سوعىلدى: زارداپ شەككەندەردىڭ جاعدايى بەلگىلى بولدى
الماتى. KAZINFORM - الماتىدا جولاۋشىلار اۆتوبۋسى مەن جەڭىل كولىك سوعىلدى. زارداپ شەككەن 4 ادامنىڭ بىرەۋىنىڭ جاعدايى اۋىر.
الماتى دەنساۋلىق ساقتاۋ باسقارماسىنىڭ مالىمەتىنشە، 4-قالالىق كلينيكالىق اۋرۋحاناعا جەدەل مەديتسينالىق جاردەم بريگادالارىمەن ەكى پاتسيەنت جەتكىزىلدى. مۋلتيديستسيپلينارلىق بريگادا قاراعاننان كەيىن ولارعا ۋلترادىبىستىق زەرتتەۋ، كومپيۋتەرلىك توموگرافيا جانە شولۋ رەنتگەنوگرافياسىن قوسا العاندا، قاجەتتى كلينيكالىق-دياگنوستيكالىق تەكسەرۋلەر جۇرگىزىلدى.
2005-جىلى تۋعان پاتسيەنت كەشەندى تەكسەرۋدەن سوڭ تۇرعىلىقتى جەرى بويىنشا امبۋلاتوريالىق ەم الۋعا ۇيگە جىبەرىلدى. 20 جاستاعى ەكىنشى جولاۋشى انەستەزيولوگيا جانە رەانيماتسيا بولىمىنە جاتقىزىلدى. ونىڭ جاعدايى اۋىر دەپ باعالانادى، بارلىق قاجەتتى ەمدەۋ شارالارىن تولىق كولەمدە قابىلداپ جاتىر.
- بالالار شۇعىل مەديتسينالىق كومەك كورسەتۋ ورتالىعىنا (ب ش م ك ك و) 17 جاستاعى جاس ءوسپىرىم دە جەتكىزىلدى. ونى دارىگەرلىك بريگادا قاراپ، قاجەتتى كلينيكالىق-دياگنوستيكالىق شارالار جۇرگىزىلدى. تەكسەرۋ ناتيجەسى بويىنشا وعان وڭ ورتان جىلىكتىڭ ورتاڭعى بولىگىنىڭ ىعىسۋىمەن جابىق سىنىعى دياگنوزى قويىلدى. پاتسيەنت تراۆماتولوگيا بولىمىنە جاتقىزىلدى، ول قازاقستان رەسپۋبليكاسى دەنساۋلىق ساقتاۋ مينيسترلىگىنىڭ دياگنوستيكا جانە ەمدەۋ حاتتاماسىنا سايكەس تولىق كولەمدە ەم قابىلداپ جاتىر. تاعى ءبىر ادام الماتى كوپبەيىندى كلينيكالىق اۋرۋحاناسىنا (ا ك ك ا) جەتكىزىلدى، - دەپ حابارلادى دەنساۋلىق ساقتاۋ باسقارماسىنان.
وسىعان دەيىن الماتىدا اۆتوبۋسپەن Audi كولىگىنىڭ سوقتىعىسقانى تۋرالى جازعان ەدىك.
سالدارىنان جەڭىل كولىك جۇرگىزۋشىسى مەن ونىڭ ءۇش جولاۋشىسى ءتۇرلى دەنە جاراقاتىن العان بولاتىن.