وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، اسا اۋىر قىلمىس جاسادى دەپ كۇدىكتەلگەن ەر ادام قۇرىقتالدى.
ول بۇرىن ۇيىمداسقان قىلمىستىق توپتىڭ مۇشەسى بولعان.
2019-جىلى الماتى قالاسىنىڭ 40 جاستاعى تۇرعىنى اتىس قارۋىنان اتىپ ءولتىرىلدى.
سول كەزدە قىلمىستىق توپتىڭ تەك ءبىر مۇشەسى سوت تورەلىگىنەن قاشىپ كەتكەن.
ەر ادام 5 جىل بويى قۇقىق قورعاۋ ورگاندارىنان جاسىرىنىپ ءجۇردى.
«ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جەدەل-ىزدەستىرۋ شارالارىنىڭ ناتيجەسىندە ونى ءۇرجار اۋدانىندا ۇستادى. سونىمەن قاتار ەر ادامنان پاتروندارى بار تت تاپانشاسى تاركىلەندى. ءتيىستى ساراپتامالار تاعايىندالعان. تەرگەۋ امالدارى جۇرگىزىلىپ جاتىر»، - دەلىنگەن اقپاراتتا.