ا ق ش مەملەكەتتىك حاتشىسى قىتايدى ورمۋز بۇعازى ماسەلەسى بويىنشا يرانعا ىقپال ەتۋگە شاقىردى
استانا. KAZINFORM - ۆاشينگتون تەگەران جاعىنداعى ورمۋز بۇعازىنىڭ جابىلۋىنا الاڭداۋشىلىق ءبىلدىرىپ، بەيجىڭدى يران باسشىلىعىنا ىقپال ەتۋگە شاقىردى.
ا ق ش مەملەكەتتىك حاتشىسى ماركو رۋبيو جەكسەنبى كۇنى Fox News ەفيرىندە قىتاي يران مۇنايىنىڭ ەڭ ءىرى تۇتىنۋشىلارىنىڭ ءبىرى رەتىندە يران پارلامەنتىنىڭ بۇعازدى جابۋ تۋرالى ارەكەتىنە ارالاسۋى كەرەك دەپ مالىمدەدى. ورمۋز بۇعازى ارقىلى الەمدىك مۇناي مەن گاز كولەمىنىڭ شامامەن - ى وتەدى.
- مەن قىتاي ۇكىمەتىن وسى ماسەلە بويىنشا ولارمەن بايلانىسۋعا شاقىرامىن. ويتكەنى ولار كوبىنەسە ورمۋز بۇعازىنا مۇناي جەتكىزۋگە تاۋەلدى، - دەپ اتاپ ءوتتى رۋبيو.
ونىڭ ايتۋىنشا، بۇعازدى جابۋ ۇلكەن قاتەلىك، ول ەڭ الدىمەن يراننىڭ ءوزى ءۇشىن اۋىر ەكونوميكالىق زارداپتارعا اكەلەدى. رۋبيو مۇنداي قادام ا ق ش پەن باسقا مەملەكەتتەردىڭ رەاكسياسىن تۋدىراتىنىن، ونىڭ سوڭى اۋقىمدى شيەلەنىسكە ۇلاسۋى مۇمكىن ەكەنىن ايتتى.
قازىر بۇعازدىڭ جابىلعانى تۋرالى رەسمي اقپارات جوق.
سونىمەن قاتار قىتاي ا ق ش-تىڭ يرانعا جاساعان شابۋىلى مەن يادرولىق نىسانداردى بومبالاۋىن قاتاڭ ايىپتادى. ءوز كەزەگىندە ب ۇ ۇ بۇنىڭ ايماق ءۇشىن «قاۋىپتى بۇرىلىس» ەكەنىن مالىمدەدى.
ايتا كەتەيىك، تۇركيا ورمۋز بۇعازى جابىلعان جاعدايدا بالاما جولداردى انىقتاپ جاتىر.
اۆتور
ەركەجان سماعۇلوۆا