وسىلايشا وتىمدىلىكتى ۇسىنۋ بويىنشا تۇراقتى قول جەتكىزۋ وپەراتسيالارى بويىنشا مولشەرلەمە 10,5 پايىز جانە وتىمدىلىكتى الۋ بويىنشا تۇراقتى قول جەتكىزۋ وپەراتسيالارى بويىنشا مولشەرلەمە 7,5 پايىز بولادى.
«بازالىق مولشەرلەمەنىڭ تومەندەۋى اعىمداعى جىلعى مامىر- ماۋسىمداعى بولجامدىق راۋند شەڭبەرىندە كۇتىلگەنگە قاراعاندا 2020 -جىلعى ءبىرىنشى جارتىجىلدىقتا پروينفلياتسيالىق تاۋەكەلدەردىڭ السىرەۋىنە جانە ەكونوميكالىق بەلسەندىلىكتىڭ بارىنشا كۇشتى قىسقارۋىنا نەگىزدەلدى. كارانتيندى قاتاڭداتۋ بويىنشا قابىلدانعان شارالار قوسىمشا دەزينفلياتسيالىق اسەر ەتەدى. بۇل رەتتە بازالىق ينفلياتسيا (trimmed mean) جانە 2020 -جىلعى ماۋسىمداعى مەدياندىق ينفلياتسيا بارىنشا قالىپتى سەرپىندى، تيىسىنشە 6,1 پايىز- دى جانە 4,4 پايىز- دى كورسەتەدى. جىل باسىنان باستاپ بىرتىندەپ جەدەلدەۋدى (2019 -جىلعى جەلتوقساندا - تيىسىنشە 5,2 پايىز جانە 4,3 پايىز) اتاپ وتكەن ءجون، ءبىراق، بۇل رەتتە، بازالىق ينفلياتسيا كورسەتكىشتەرى ينفلياتسيانىڭ مونەتارلىق قۇراۋىشىنىڭ بارىنشا قالىپتى ءوسۋى تۋرالى بەلگى بەرە وتىرىپ، جالپى ينفلياتسيادان باياۋ وسەدى» دەپ ءمالىم ەتتى ۇلتتىق بانك.
دوللارلاندىرۋدىڭ ءوسۋ تاۋەكەلدەرى ايتارلىقتاي تومەندەدى، بۇل مولشەرلەمەنى تومەندەتۋ ءۇشىن الەۋەتتى كەڭەيتتى. تەڭگە اكتيۆتەرىن قورعاۋ بويىنشا جەدەل شارالار ناتيجەسىندە اعىمداعى جىلعى 6 ايدىڭ قورىتىندىسى بويىنشا دەپوزيتتەردى دوللارلاندىرۋ الدىن الا دەرەكتەر بويىنشا 43,1 پايىزدان 40,0 پايىزعا دەيىن تومەندەدى، بۇل بازالىق مولشەرلەمەنى تومەندەتۋ مۇمكىندىگىنە دە ىقپال ەتەدى. ءدالىزدىڭ تارىلۋى قارجى نارىعىنداعى احۋالدىڭ تۇراقتانۋىنان جانە ەكونوميكانىڭ جاڭا جاعدايلارعا بىرتىندەپ بەيىمدەلۋىنەن تۋىندادى.
بۇل شەشىم اقشا نارىعىنىڭ مولشەرلەمەلەرىن بازالىق مولشەرلەمەگە جاقىنداتۋعا مۇمكىندىك بەرەدى، اقشا نارىعى مولشەرلەمەلەرىنىڭ قۇبىلمالىلىعىن تومەندەتۋدى قامتاماسىز ەتەدى جانە نارىققا قاتىسۋشىلاردا بارىنشا تۇراقتى كۇتۋلەردى قالىپتاستىرۋعا ىقپال ەتەدى.
بازالىق مولشەرلەمەنىڭ جاڭا دەڭگەيى كرەديتتەردىڭ قۇنىن تومەندەتە وتىرىپ، وسىرىلگەن كرەديتتىك تاۋەكەلدەردى بەلگىلى ءبىر دارەجەدە وتەۋگە مۇمكىندىك بەرەدى. بۇل شەشىم قازاقستان ەكونوميكاسىنا كارانتيندى كۇشەيتۋ جونىندەگى شارالار سالدارىنىڭ ىقپالىن رەتتەۋگە مۇمكىندىك بەرەدى جانە قازاقستان ەكونوميكاسىنىڭ ءوسۋىن قالپىنا كەلتىرۋ پروتسەسىن قولدايدى.