بۇل تۋرالى نۇر-سۇلتان اكىمدىگىندە ءوتىپ جاتقان قالانى ودان ارى دامىتۋ ماسەلەلەرى جونىندەگى ماجىلىستە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
توقايەۆ ەلورداعا ينۆەستيتسيا تارتۋ جۇمىستارىن كۇشەيتۋدى تاپسىردى قازاقستان پرەزيدەنتى ءۇش اپتادا ءۇش الىپ ەلدىڭ باسشىلارىمەن كەزدەستى ازياداعى قاۋىپسىزدىك ماسەلەسىندە قاسىم-جومارت توقايەۆتىڭ پىكىرى پايدالى ءارى قىزىق- پۋتين
«ەلوردادا ەنەرگەتيكا نىساندارى قۇرىلىسىنىڭ دەر ۋاقىتىندا اياقتالماۋ پروبلەماسى بايقالادى. قۇرىلىسى 2010 -جىلى باستالعان 3-جىلۋ ەلەكتر ستانساسى وسى جىلى پايدالانۋعا بەرىلۋى ءتيىس بولاتىن. ءبىراق، پايدالانۋعا بەرۋ مەرزىمى بىرنەشە رەت كەيىنگە شەگەرىلدى. دەمەك، جوبا تاعى ءبىر جىلعا شەگەرىلمەك. ەندى جوبالىق-سمەتالىق قۇجاتى الدان شىقتى. ونى تۇزەتۋ قاجەت. جوبا 1,5 ەسە قىمباتتادى. بۇعان قوسا، سوماسى از ەمەس - 40 ميلليارد تەڭگەدەن اسىپ جىعىلادى. قالاداعى جىلۋ ەنەرگياسىنىڭ تاپشىلىعى اياسىندا ءۇشىنشى جىلۋ ەلەكتر ستانساسىنىڭ دەر ۋاقىتىندا پايدالانۋعا بەرىلمەۋى بيزنەس دامۋىن باياۋلاتادى. اكىمدىك مەملەكەتتىك بيۋدجەت ەسەبىنەن جۇزەگە اسىرىلىپ جاتقان جوبالاردى دەر ۋاقىتىندا اياقتاۋى ءتيىس»، - دەپ ەسكەرتتى قازاقستان پرەزيدەنتى.
مەملەكەت باسشىسى قالانىڭ ەنەرگەتيكالىق جۇيەسىن «سارىارقا» گاز قۇبىرىنا قوسۋعا دايىن بولماۋى دا پروبلەما ەكەندىگىن باسا ايتتى.
«بۇل - مۇلدەم تۇسىنىكسىز ماسەلە. قالاي ورىن العان؟ وسى جىلعا كوزدەلگەن 2,7 ميلليارد تەڭگە باسقا وڭىرلەردىڭ اراسىندا قايتا بولىنەدى. وعان قوسا، ءبىز ەڭ ءبىرىنشى كەزەكتە، ءدال وسى ەلوردانى گازداندىرۋ جايىندا ويلاۋىمىز كەرەك ەدى. ويتكەنى، قىستا نە ورىن الاتىنىن جاقسى بىلەسىزدەر: قالا تۇتىنگە ورالىپ، ەڭ الدىمەن، تۇرعىنداردىڭ، سونداي-اق ديپلوماتيالىق كورپۋس الدىندا ىڭعايسىزدىق تۋىندايدى»، - دەدى توقايەۆ.
اۆتور: مارلان جيەمباي