ونىڭ قورىتىندىسى بويىنشا، ەلىمىزدەگى ەرلەر ايەلدەرگە قانداي سىيلىق جاساۋدى قولاي كورەتىنىن، سونىمەن بىرگە نازىك جانداردىڭ وزدەرى قانداي سىيلىق العىسى كەلەتىنىن تۇسپالداپ بىلۋگە بولادى، دەپ حابارلايدى قازاقپارات ءتىلشىسى.
HeadHunter كومپانياسىنىڭ زەرتتەۋ ورتالىعى 8 -ناۋرىز قارساڭىندا «ايەلدەر قانداي سىيلىق قالايدى؟» تاقىرىبىندا ساۋالناما جۇرگىزگەن. ساۋالناماعا 134 ادام قاتىسقان. ساۋالناماعا قاتىسقانداردىڭ 88 پايىزى - ايەلدەر.
ساۋالناماعا قاتىسۋشىلاردىڭ ويىنشا، زەرگەرلىك بۇيىمدار مەن گۇلدەر - كوكتەمنىڭ شۋاقتى مەرەكەسىندە سۇرانىسقا يە سىيلىق بولىپ شىقتى. سونىمەن بىرگە، كوپ تارتۋ ەتىلەتىن سىيلىقتاردىڭ قاتارىنا پارفيۋمەريالىق كوسمەتيكا، كىتاپ نەمەسە سپورتتىق دۇكەندەردە ساۋدا جاساۋعا بولاتىن سەرتيفيكات، سونىمەن بىرگە تۇرمىستىق تەحنيكالار مەن اقشا جاتادى.
رەسپوندەنتتەر سونىمەن قاتار، ايەلدەردىڭ كينوعا نەمەسە تەاترعا بيلەت الۋعا، برەندتى سومكەگە، ءوز قولىڭىزدان جاساعان ەرەكشە سىيلىققا، مۇمكىندىك بولسا گادجەتتەرگە، پاتەر نەمەسە كولىككە قۇشتار ەكەنىن جازعان.
ساۋالناماعا قاتىسۋشىلاردىڭ پىكىرىنە قۇلاق اسساق، پايداسىز سۋۆەنير سىيلىقتارعا، جاساندى گۇلدەرگە ايەلدەردىڭ جانى قاس كورىنەدى. بۇل تىزىمگە ىدىس-اياق، اس ءۇيدىڭ كەرەك-جاراعىن، كامپيتتەر، ءتاتتى-دامدىلەردى، كيىم، قۇتتىقتاۋ قاعاز نەمەسە ۆاننالىق كەرەك- جاراقتى دا جاتقىزۋعا بولادى.