ۇيىمداستىرۋشىلار «قوشقار كوتەرۋ» ، «تىماق لاقتىرۋ» جانە «جىلىك سىندىرۋ» جارىستارىن وتكىزىپ، كوپشىلىكتىڭ نازارىن اۋداردى. قازاقتا جىلىك سىندىرۋ توي- تومالاقتاردا، قىستان قالعان سۇردەن ءدام تاتقىزاتىن سىباعادا، جالپى حالىق كوپ جينالاتىن جەرلەردە ويناتىلادى. ناۋرىز مەرەكەسىندە جاس تالعامايتىن ويىن تۇرلەرىنە قاتىسىپ، باق سىناعانداردى 8 جاسار ويىنشىنىڭ ەپتىلىگى ءتانتى ەتتى. قارۋلى جىگىتتەردىڭ شاماسى كەلمەي جاتقان جىلىكتى رىتپەك توقانوۆ ءبىر ۇرعاننان قاق ءبولدى.
«مەن بوكسپەن، كاراتەمەن اينالىسامىن. جىلىك سىندىرۋدى اكەمنەن ۇيرەندىم. جىلىكتى ءبىرىنشى سوققىدان سىندىردىم» ، - دەيدى جارىس جەڭىمپازى رىتپەك توقانوۆ.
تاعى ءبىر جارىس جەڭىمپازى كەركەن جۇمانوۆتىڭ ايتۋىنشا، بۇل كۇشپەن الىنبايدى. قازاقتا تىقىلىن تاۋىپ الۋ كەرەك دەپ جاتادى. «تىقىلىن تاۋىپ الىپ، سوسىن سوعۋ كەرەك. ەكى رەت سوقتىم، ۇشىنشىسىندە بۇزىپ جىبەردىم».