سوت ونى جاڭا مەرزىمگە كەسىپ، سىبايلاستارىنىڭ ءبىرى بولعان - ايەلىن باس بوستاندىعىنان ايىردى، دەپ حابارلايدى قازاقپارات.
ەلوردا سوتىنىڭ اقپاراتىنا سايكەس، ازامات س. 2017 -جىلى الاياقتىق جاساپ تۇرمەگە تۇسكەن. ول سول مەكەمەدە جازاسىن وتەپ جاتقان وزگە ادامدارمەن بىرگە ءسوز بايلاسىپ، قىلمىستىق توپ قۇرعان. ءارى بۇل توپقا بوستاندىقتاعى جۇبايىن تارتقان.
ول ايەلىنە «كرەديتنوە توۆاريشەستۆو «جيلسوتسكرەديت» ج ش س اتتى سەرىكتەستىك قۇرعىزىپ، وزگە سىبايلاستارىنىڭ ءبىرىن الگى سەرىكتەستىككە قۇرىلتايشى، تاعى ءبىرىن ازاماتتارعا كومپانيا قىزمەتىن تۇسىندىرەتىن مەنەدجەر ەتكەن.
«كومپانيا زاڭدى قىزمەت جۇرگىزەتىنىنە سەندىرۋ ءۇشىن تۇرعىنداردىڭ الەۋمەتتىك ءالسىز بۋىنىنا ءتيىمدى شارتتارمەن نەسيە بەرەتىن تارتىمدى باعدارلامالار ازىرلەگەن. 2017 -جىلدان 2018 -جىلعا دەيىن اتالعان تۇلعالار قازاقستاننىڭ ءتۇرلى وڭىرلەرىندەگى سەنگىش ازاماتتاردى جالعان كومپانياعا 124560 تەڭگە مولشەرىندە جارنا سالۋعا كوندىرگەن، ولارمەن ءتۇرلى سومالاردا «دەپوزيتكە» اقشا سالۋعا شارت جاساسقان. ازاماتتار الاياقتاردىڭ الەۋمەتتىك نەسيە باعدارلاماسىنا سەنىپ، اقشا سالعان. ال كومپانيا ولاردى ىنتالاندىرۋ ءۇشىن كەيبىرىنە دەپوزيتتىك سالىمدارى بويىنشا ازداپ سىياقى بەرىپ وتىرعان»، - دەلىنگەن سوت حابارلاماسىندا.
الاياقتاردىڭ تۇزاعىنا ۇزىن- ىرعاسى 200 دەن استام ازامات ءىلىنىپ، جالپى 80 ميلليون تەڭگەدەن استام قارجى قۇيعان.
«نۇر-سۇلتان قالاسى، الماتى اۋداندىق №2 -سوتىنىڭ ۇكىمىمەن ازامات س. 13 جىلعا باس بوستاندىعىنان ايىرىلدى. قىلمىستىق ءىستىڭ قالعان فيگۋرانتتارى 6 جىلدان 7 جىلعا دەيىن مەرزىمدەرگە كەسىلدى. ۇكىم زاڭدى كۇشىنە ەنگەن جوق»، - دەدى قالالىق سوتتان.