"انادولى تۇركيادان اتاجۇرتقا جۇرەكجاردى سالەمىن الا كەلدىم. قازىرگى ۋاقىتتا تۇركيادا 30 مىڭداي قازاق بار. ءبىراق، مەنىڭ ويىمشا، 30 مىڭ ەمەس، تۇركيادا 80 ميلليون قازاق بار. ولاردىڭ جۇرەگى سىزدەرمەن بىرگە ماڭگى سوعادى. مەن قازاق ەلى تۋرالى ەڭ العاشقى زەرتتەۋ ماقالامدى 1999 -جىلى جازدىم. ساياسات تانۋشى عالىم رەتىندە قازاقستاننىڭ تۇڭعىش پرەزيدەنتىنىڭ ەڭبەكتەرىن 20 جىلدان بەرى زەرتتەپ كەلەمىن. ەلباسىنىڭ "رۋحاني جاڭعىرۋ" ماقالاسى تەك قازاق حالقى ءۇشىن ەمەس، تۇركيا حالىقتارى ءۇشىن دە بولاشاققا جول كورسەتەتىن ايقىن باعدارلاما دەپ ايتار ەدىم"، - دەدى شەتەلدىك مەيمان.
وسى رەتتە ول "ەلباسى نازاربايەۆ" اتتى كىتابى 4 تىلدە جارىق كورەتىنىن ايتتى. اتالعان كىتاپتان الەم حالقى جاڭا ءبىر كوشباسشىلىقتىڭ قىر- سىرىمەن جان- جاقتى تانىساتىن بولادى.
"قۇرمەتتى نۇرسۇلتان ءابىش ۇلى 2 جىل بۇرىن الەۋمەتتىك جەلى قولدانۋشىلارى اراسىندا ساۋالناما جۇرگىزىلدى. قاتىسقاندار ءبىراۋىزدان ءسىزدى تۇركى الەمىنىڭ ەڭ كورنەكتى جانە تانىمال تۇلعاسى دەپ تانىدى. حالىقارالىق ساياساتتاعى بيىك بەدەلىڭىز ءۇشىن تۇرىك جۇرتى ءسىزدى تۇركى الەمىنىڭ بەدەلدى كوشباسشىسى دەپ ەرەكشە قۇرمەتتەيدى. بۇگىنگى كۇننىڭ بىلگە قاعانى دەپ بىلەدى"، - دەدى كۋرشاد زورلۋ.