جالپى، 5 ايدا جارتى ميلليوننان استام (576829) كولىك تىركەۋدەن وتكەن. بۇل وتكەن جىلدىڭ بەس ايىمەن سالىستىرعاندا 15 پايىزعا كوپ. ونىڭ 36524 ءى اكىمشىلىك پوليتسيانىڭ تىركەۋىنە تۇڭعىش رەت الىنىپ وتىر. ياعني، قالعان 540305 تەحنيكا قولدان قولعا ساتۋ ناتيجەسىندە قايتارا تىركەلگەن. ال ەلەكتروموبيل ساۋداسى 35-تەن 7-گە تۇسكەن. 7 كولىكتى دە الماتى وبلىسى مەن الماتى قالاسىنىڭ تۇرعىندارى ساتىپ العان. بارلىعى دا - Tesla مودەلىنىڭ ونىمدەرى.
ساتىلعان كولىكتەردىڭ 70,5 پايىزىنىڭ «جاسى» 10-نان اسقان. ونىڭ ىشىندە 39,4 پايىزىنىڭ زاۋىتتان شىققانىنا 20 جىلدان اسىپ كەتكەن.
«اۆتوموبيل نارىعىنداعى ساۋدا- ساتتىق ديناميكاسى قولدانىستاعى كولىكتەردىڭ بارعان سايىن ەسكىرىپ جاتقانىن كورسەتەدى. 20 جىلدان ەسكى كولىكتەردىڭ ساۋداسى قىزسا، 1-3 جىل ارالىعىنداعى تەحنيكانىڭ ساۋداسى 4,5 پايىزعا كەمىگەن»، - دەلىنگەن وداقتىڭ باسپا ءسوز اقپاراتىندا.
قولدان- قولعا ساتىلعان اۆتوموبيلدەردىڭ كوشىن الماتى وبلىسى مەن الماتى قالاسى، تۇركىستان وبلىسى باستاپ تۇر. سونداي- اق، الماتى «ءبىر جاسقا دەيىنگى» كولىكتەر ەڭ كوپ تىركەلگەن قالا اتانىپ وتىر.