19 جاستاعى قالا تۇرعىنى ورتالىق پوليتسيا بولىمىنە كەلىپ، قوعامدىق كولىكتە ۇيالى تەلەفونىن بەلگىسىز بىرەۋلەردىڭ ۇرلاپ كەتكەنىن ايتىپ، ارىز بەرگەن. شىعىن كولەمى 40 مىڭ تەڭگە.
«جەدەل ىزدەستىرۋ شارالارى كەزىندە پوليتسيا قىزمەتكەرلەرى قىزدىڭ بەرگەن اقپاراتىنىڭ جالعان ەكەنىن انىقتادى. كەيىن قىزدى تەرگەۋ كەزىندە ول كىناسىن تولىق مويىندادى. بويجەتكەن 3 - شىلدە كۇنى تاڭەرتەڭ ۇيالى تەلەفونىن ءوزى ساتىپ جىبەرگەن» دەلىنگەن حابارلامادا.
قازىر ونىڭ ۇستىنەن ق ر قىلمىستىق كودەكسىنىڭ 419 - بابى 2 - تارماعى بويىنشا (كورىنەۋ جالعان ءسوز جەتكىزۋ) ءىز قوزعالدى. ەندى ول زاڭسىز ارەكەتى ءۇشىن 3000 ايلىق ەسەپتىك كورسەتكىشكە دەيىنگى مولشەردە ايىپپۇل تولەيدى. ياعني، 7 ميلليون 215 مىڭ تەڭگە نەمەسە ءۇش جىلعا دەيىنگى مەرزىمگە باس بوستاندىعىنان ايىرىلادى.