قالالىق پ د باسپا ءسوز قىزمەتىنىڭ مالىمەتىنشە، جول كولىك وقيعاسى كەشە 27 -مامىردا كۇندىزگى ساعات 15.30 شاماسىندا بولعان. شىمكەنتتەگى اۆتوتۇراقتاردىڭ بىرىندە «Opel Kadett» اۆتوكولىگىنىڭ جۇرگىزۋشىسى كامەلەت جاسقا تولماعان بالالاردى قاعىپ كەتكەن. وقيعا ورنىنا جەدەل جەتكەن پاترۋلدىك پوليتسيا توبىنىڭ قىزمەتكەرلەرى اۆتوكولىك جۇرگىزۋشىسىنىڭ 6 جاس ءوسپىرىم بالانى قاعىپ كەتكەنىن انىقتادى.
اۋىر سوققى العان ەكى جەتكىنشەك اۋرۋحاناعا جەتكىزىلسە، قالعان 4 بالا ۇيلەرىنە قايتارىلعان.
«بىرنەشە ساراپتامالار تاعايىندالدى. قازىرگى تاڭدا اتالعان جايت بويىنشا ق ر ق ك-نىڭ 345 -بابى، 2 -بولىگىمەن سوتقا دەيىنگى تەرگەۋ امالدارى جۇرگىزىلۋدە» دەلىنگەن حابارلامادا.