«ەڭبەك ميگرانتتارىن زاڭداستىرۋ پروتسەسىن 2014 -جىلى باستاعان ەدىك. سودان بەرى ەڭبەك ميگرانتتارىنىڭ سانى جىل سايىن ارتىپ كەلەدى. وتكەن جىلى قازاقستانعا 551 مىڭ ەڭبەك ميگرانتى كەلگەن بولاتىن. مەملەكەتتىك بيۋدجەتكە 6 ميلليارد تەڭگەدەن استام سالىق ءتۇستى. ال بيىل ەلىمىزگە ءناپاقى تابۋ ءۇشىن شامامەن 600 مىڭ ەڭبەك ميگرانت كەلەدى دەپ كۇتىپ وتىرمىز»، - دەدى ول ب ا ق وكىلدەرىنە ەلورداداعى كوشى-قون قىزمەتتەرىن كورسەتۋ ورتالىعىنىڭ جۇمىسىن تانىستىرۋ بارىسىندا.
ونىڭ دەرەگىنشە، ەڭبەك ميگرانتتارى نەگىزىنەن وزبەكستان، تاجىكستان، ازەربايجان ەلدەرىنەن كەلەدى. ال ە ا ە و- عا مۇشە ەلدەردىڭ وكىلدەرى ەڭبەك پاتەنتىنەن بوساتىلعان. ولار جۇمىس بەرۋشىلەرمەن ەڭبەك كەلىسىمشارتى بويىنشا تىكەلەي جۇمىس جاساي بەرەدى جانە بارلىق مەملەكەتتىك سالىقتاردان بوساتىلعان.
«قىسقى ۋاقىتتا كوشى-قون قىزمەتتەرى ورتالىعى كۇنىنە 30-50، كوكتەم-جاز ايلارىندا 100-200 يمميگرانتقا قىزمەت كورسەتەدى. بۇل رەتتە ەڭبەك يمميگرانتتارى جاۋاپكەرشىلىككە تارتىلمايدى. ەڭبەك يمميگرانتتارى جەكە تۇلعالاردا جۇمىس ىستەيدى. ولاردىڭ زاڭدى تۇلعادا جۇمىس ىستەۋگە قۇقى جوق. زاڭدى تۇلعالاردا، ياعني كاسىپورىنداردا جۇمىس ىستەيتىن ەڭبەك ميگرانتتارى اكىمدىكتەردە راسىمدەلەدى. مينيسترلىك (ق ر ىشكى ىستەر مينيسترلىگى - اۆت. ) ەڭبەك جانە حالىقتى الەۋمەتتىك قورعاۋ مينيسترلىگى ازىرلەيتىن زاڭ جوباسى اياسىندا الىس شەتەلدەردەن كەلەتىن ميگرانتتاردى زاڭداستىرۋ جۇمىسىن اياقتاۋدى جوسپارلاپ وتىر»، - دەدى مۇرات قابدەنوۆ.