«جىل باسىنان بەرى ينفلياتسيا %1,3 (2018 -جىلعى قاڭتار- ناۋرىزدا - %1,8) قۇرادى. ازىق-تۇلىك تاۋارلارىنىڭ باعاسى %3,8 عا، ازىق-تۇلىككە جاتپايتىن تاۋارلار - %0,9 عا ءوستى. اقىلى قىزمەت كورسەتۋ باعاسى %1,4 عا تومەندەدى» دەلىنگەن حابارلامادا.
جىلدىق ينفلياتسيا %4,8 دەڭگەيىندە قالىپتاستى جانە %4-6 نىسانالى ءدالىزىنىڭ ىشىندە تۇر. ينفلياتسيانىڭ قۇرىلىمىندا جىلدىق كورسەتكىش بويىنشا ازىق-تۇلىك تاۋارلارىنىڭ باعاسى %6,7 عا، ازىق-تۇلىككە جاتپايتىن تاۋارلار %6,0 عا ءوستى. اقىلى قىزمەت كورسەتۋ باعاسىنىڭ جىلدىق ءوسۋ قارقىنى %1,2 عا دەيىن باياۋلادى.
جالپى، ناۋرىزدا حالىقتىڭ ينفلياتسيالىق بولجامى ناقتى ينفلياتسيانىڭ باياۋلاۋى اياسىندا تومەندەدى.