ەكى جاستاعى ەنتوني يوحەندري مونتەنەگرو ەررەرانى كورشىسى مارۆين گومەس ۇيىنەن 300 مەتر قاشىقتىقتا تاپقان. بالانى اۋرۋحاناعا جەتكىزىپ، دارىگەرلەر تەكسەرىپ كوردى. بالانىڭ تەرىسى كىرلەپ، تىتىركەنگەن. ءبىراق دەنساۋلىعىنا زاقىم كەلمەگەن.
دارىگەرلەر ەكى جاسار بالانىڭ بەس كۇنى اش- جالاڭاش قالاي جاتقانىن، قالاي امان قالعانىن تۇسىنە المادى. بالانىڭ اكەسى لازارو مونتەنەگرو ونى الدەكىمدەر ۇرلاپ كەتىپ، ءبىراز ۋاقىتتان سوڭ ەركىنە جىبەرگەن دەپ بولجايدى.
قازىر بالا اۋرۋحانادا دارىگەرلەردىڭ باقىلاۋىندا جاتىر. جەرگىلىكتى قۇقىق قورعاۋ ورگاندارى تەرگەۋ جۇرگىزىپ، بالانىڭ جوعالۋىنا كىمنىڭ قاتىسى بارىن انىقتاپ جاتىر.