استانا قالاسىنداعى جۇمىسپەن قامتۋ ورتالىعى بەيبىتشىلىك كوشەسىنىڭ بويىنداعى «وركەن» ىسكەرلىك ورتالىعىندا ورنالاسقان. ورتالىققا 57-88-88 تەلەفون ءنومىرى بويىنشا حابارلاسىپ، سۇراقتارعا جاۋاپ الۋعا بولادى.
جۇمىس ىزدەۋشى ازامات رەتىندە تىركەلۋ ءۇشىن ورتالىققا جەكە كۋالىك، ەڭبەك كىتاپشاسى جانە ءبىلىمىڭىز تۋرالى قۇجاتتى اپارۋ كەرەك. ورتالىق ماماندارى دەرەكتەر بازاسىنا سۇيەنە وتىرىپ، سىزگە بوس جۇمىس ورىندارىن ۇسىنادى.
جۇمىس ۇسىنۋشى ۇيىمنىڭ اتاۋى، كاسىبي باعدارى، جالاقى مولشەرى، جۇمىس رەجيمى - بۇل سۇراقتارعا مەنەدجەرمەن اڭگىمەلەسۋ بارىسىندا- اق جاۋاپ الا الاسىز.
جۇمىس ىزدەۋشى ازامات ءوزىنىڭ بايلانىس نومىرلەرىن قالدىرۋى كەرەك، ەگەر وعان لايىق ۆاكانسيا تابىلعان جاعدايدا، ورتالىق ماماندارى دەرەۋ حابارلاسادى.
2019 -جىلدىڭ باسىنان بەرى 500-دەن استام ەلوردالىق تۇرعىن جۇمىسپەن قامتۋ ورتالىعىنىڭ كومەگىمەن جۇمىسقا تۇرعان. شامامەن 200-دەي جاس مامان جاستار پراكتيكاسىنا جىبەرىلىپ، 20 ازامات الەۋمەتتىك جۇمىس ورىندارىنا ورنالاستى.
ورتالىقتىڭ مالىمەتىنشە، قازىرگى تاڭدا استانا قالاسى بويىنشا 5466 بوس جۇمىس ورنى بار. ونىڭ 2854- ءى - 100 مىڭ تەڭگەگە دەيىن، 2172- ءسى - 100 مىڭ تەڭگە مەن 150 مىڭ تەڭگە ارالىعىندا، ال 440-ى 150 مىڭ تەڭگەدەن جوعارى جالاقى ۇسىنادى.