بۇلار جايلى كىتاپ جازىلدى، فانتاستيكالىق تالاي كينو ءتۇسىرىلدى، كومپيۋتەر ويىندارى وسى نىساندارعا ارنالدى ءبىراق بۇل جەردە نە بار ەكەنىنەن ەشكىم بىلمەيدى.
Area 51(زونا 51)
ا ق ش- تىڭ نيەۆادا شتاتىندا اتى اڭىزعا اينالعان «زونا 51» اسكەري- اۋە بازاسى فانتاستيكالىق كينولاردا، كومپيۋتەر ويىندارىندا بىرنەشە رەت كورسەتىلدى. بۇل نىسان تۋرالى ءتۇرلى الىپ- قاشپا اڭگىمەلەر تارالعان: «وزگە عالامشارلىقتاردىڭ تەحنولوگياسىن زەرتتەيتىن جەر، مۇقىم ادامزاتتى جوق قىلىپ جىبەرەتىن قاۋىپتى ۆيرۋستاردىڭ وتانى، گەنەتيكالىق تاجريبەلەر ورداسى ت. ب. وسىنداي سوزدەردىڭ تارالۋىنان پەنتاگون كەيبىر قۇپيا مالىمەتتەردى جاريالاۋعا ءماجبۇر بولعان.
رەسمي مالىمەتتەرگە قاراعاندا «زونا 51»- دە جاڭادان جاسالعان اۋە تەحنولوگياسى مەن قارۋ- جاراق سىناقتان وتكىزىلەدى. بۇل جەردە "Lockheed U2"، "A-1"2 جانە "SR-7"1 سىندى بارلاۋ ۇشاقتارى مەن الەمگە ايگىلى كورىنبەيتىن "F-117 Nighthawk" سىناۋدان وتەتىنى ءمالىم ەتىلگەن. ولاردىڭ اسپانداعى ءۇشبۇرىشتى ەلەسى كورگەندەردىڭ بەيمالىم وزگە عالامشارلىقتاردىڭ ۇشۋ اپپاراتىن ەلەستەتكەن بولۋى مۇمكىن. كەيبىر مالىمەتتەرگە قاراعاندا قازىرگى ۋاقىتتا بۇل جەردە "SR-91 Aurora" دەپ اتالاتىن گيپەرداۋىستى وتە قۇپيا كورىنبەيتىن بارلاۋ ۇشاعى ۇستىندە زەرتتەۋلەر ءجۇرىپ جاتقانعا ۇقسايدى. بۇل ۇشاق ساعاتىنا 20 مىڭ شاقىرىمدى باسىپ وتە الاتىن الەمدەگى جالعىز ۇشۋ اپپاراتى. ءبىراق بۇل حاباردى پەنتاگون رەسمي تۇردە راستاعان جوق.
Guantanamo Bay كۋباداعى "گۋانتانامو"
امەريكا اسكەري- اۋە بازاسى قۇرىلعانىنا 100 جىلدان استى. ونىڭ اۋماعى 117 كۆادرات شاقىرىم. بازا 50 ءىرى كەمە مەن كەمە تاسۋشى تەحنيكالاردى ءوز اۋماعىنا سىيدىرا الادى. جاعالاۋدا 1,5 مىڭنان ارتىق تۇرار- جاي ورىندارى مەن نىساندار مەحانيزاتسيالانعان پورت، كەمە جوندەيتىن شەبەرحانالار، وق- ءدارى، ازىق- تۇلىك، جانارماي قويمالارى بار. بازادا 10 مىڭعا جاقىن جاۋىنگەر قىزمەت ەتەدى. ولار ءۇشىن بارلىق قولايلىق جاراتىلعان. بازا ءوز ايماعىندا 2002 -جىلدارى قۇرىلعان «"گۋانتانامو» تۇرمەسى سەبەبتى ادامدار اراسىندا جامان جاعىنان تانىلىپ كەتكەن. امەريكالىقتار بۇل جەرگە 2002 -جىلدان بەرى سوتسىز، تەرگەۋسىز مىڭنان ارتىق ادامدى قاماعان. بۇل جەردەگى تارتىپكە بايلانىستى ءتۇرلى اڭگىمەلەر باسپا ءسوز بەتتەرىن شۋلاتقان. تەرروريزمگە قاتىستى ادامداردى ءتۇرلى ادىسپەن قيناعان، ۇيىقتاتپاعان، اش- جالاڭاش ۇستاعان، وسى جولدارمەن ولاردىڭ قىلماستارىن مويىنداتقان ەكەن. 2009 -جىلى ا ق ش پرەزيدەنتى باراك وباما تۇرمەنى جابۋ تۋرالى قۇجاتقا قول قويعان. ءبىراق ول بۇگىنگى كۇندە دە جۇمىس ىستەپ تۇر. حالىقارالىق قۇقىق قورعاۋ اگەنتىگىنىڭ مالىمەتىنە قاراعاندا تۇرمەدە ءالى كۇنگە دەيىن 40 اسا قاۋىپتى قىلمىسكەر قاماۋلى.
Yulin
قىتايدىڭ حاينان ارالىندا ءىرى "يۋيلين" (玉林) اسكەري- تەڭىز بازاسى بار. 2008 -جىلى امەريكا بارلاۋ قىزمەتى قىتاي ازاتتىق ارمياسى تاۋلى ايماقتا يادرولىق كۇشتەرىنىڭ ۇلكەن بازاسىن جاسىرىپ وتىرعاندىعى تۋرالى قۇپيا سۋرەتتەردى جاريالاعان. قۇپيا تۇردە وتە قىسقا ۋاقىتتا قۇرىلعان بۇل بازا قىتاي قوعانىس مينسترلىگى ءۇشىن وتە ماڭىزدى نىسان. ۇڭگىرلەردە جاسىرىنعان راكەتا تاسۋشى كەمەلەر وتە كۇشتى يادرولىق جارىلىستارعا شىدامدى بولىپ، بىلدىرمەي اشىق تەڭىزگە شىعىپ قارسىلاسىنا شابۋىل جاساۋ قابىلەتىنە يە. ولار قاي جەردەن شىعاتىنى ءالى دە ءمالىم ەمەس. بازانىڭ ىشكى قۇرىلىمى تۋرالى دا مالىمەت جوق. ەڭ نەگىزگىسى قىتايدىڭ مۇنداي قانشا نىسانى بارلىعىدا بەيمالىم.
Mount Cheyenne
ا ق ش ۇلتتىق قاۋىپسىزدىگىنىڭ جۇرەگى بولىپ ەسەپتەلەتىن كولورادو- سپرينگس قالاسى ماڭىنداعى شايەنن تاۋى مەن ونىڭ ىشىندە جاسىرىنعان "NORAD" اتتى جەر استى بازاسى بار. بۇل بازا امەريكا مەن كانادانىڭ راكەتا جانە اۋە كۇشتەرىن ءبىر تىزىمگە بىرىكتىرەدى. يادرولىق سوعىس باستالعان جاعدايدى مەملەكەتتىڭ ساياسي جانە اسكەري باسشىلارى مىنە وسى شايەنن تاۋى بۋنكەرىندە باسشىلىق جاسايدى. جەر استى بازاسىنىڭ قۇرىلىسى 1961 -جىلى باستالعان. شايەنن تاۋىندا 3 جىل ىشىندە جاساندى ۇڭگىرلەر قازىلعان. ءۇش تۋننەل: ۇزىندىعى 180 مەتر، بيىكتىگى 20 مەتر، ەنى 15 مەتر؛ تاعى ءتورت تۋننەل: ۇزىندىعى 100 مەتر، بيىكتىگى 17 مەتر، ەنى 10 مەتر. بۇل ۇڭگىرلەر ءبىر- بىرىمەن بايلانىسىپ كوزگە توردى ەلەستەتەدى. بۇل ۇڭگىرلەردە 15 مەتالل نىسان ورنالاستىرىلعان. ولاردىڭ 12 ءسى ءۇش قاباتتى ءۇي. قالىڭدىعى 9,5 مەتردەن تۇراتىن بولات قابىرعالار ارنايى پرۋجينالارمەن جابدىقتالعان. سىرتقى يادرولىق شابۋىل مەن جەر سىلكىنىسىنە وتە شىدامدى.
Olavsvern
نورۆەگياداعى «ولاۆسەرن» تەڭىز بازاسى اتوم سوعىسى جىلدارى ترومسە قالاسى وڭتۇستىگىنەن 15 شاقىرىم قاشىقتىقتا، رامفوردەن مەن باللس پورتتارى قوسىلعان نۇكتەدە ورنالاسقان. بازانىڭ جالپى اۋماعى 25 مىڭ كۆادرات مەترگە تەڭ. ونىڭ فورتيفيكاتسياسىمەن نورۆەگيانىڭ ناتو- مەن وداقتاستارى اينالىسقان. يادرولىق سوعىس كەزىندە كومپلەكستى نەگىزىنەن سولتۇستىك مۇزدى مۇحيتتتى باقىلاعان امەريكالىق اسكەري كۇشتەرى پايدالانعان. ولاردىڭ مىندەتى ك س ر و- نىڭ سۋ استى راكەتا تاسۋشى كەمەلەرىن باقىلاۋ بولعان ەكەن. ك س ر و تاراپ كەتكەنەن كەيىن بازا ۇزاق ۋاقىت پايدالانۋسىز قالدى. 2011 -جىلى ونى ساتۋعا شىعارعان. ونى بيزنەسمەن گۋننار ۆيلگەلمسەن ساتىپ الىپ، جالعا رەسەيدىڭ عىلىمي- زەرتتەۋ كەمەلەر بازاسىنا بەرگەن.
Massaget.kz