دارىگەرلەردىڭ ايتۋىنشا، بالا سوقىرىشەك اۋرۋىنىڭ بەلگىسىمەن تۇسكەن.
«رەنتگەن ءتۇسىرۋ بارىسىندا ونىڭ ىشەگىنىڭ جۇرمەي تۇرعانىن كوردىك. سوسىن وتا كەزىندە ىشەكتىڭ ىشىنەن ءبىر- بىرىنە جابىسقان ماگنيت شارلاردى انىقتادىق. ولاردىڭ جارتىسى ىشەكتىڭ تومەنگى جاعىندا ورنالاسسا، جارتىسى جوعارعى جاعىندا ماگنيتتەر ءبىر- بىرىنە تارتىلعان كەزدە اراسىنداعى ىشەك جابىسىپ قالعان. بالانىڭ كىندىگىنەن ىشەكتى شىعارىپ الىپ، بوگدە زاتتاردى تازالادىق»، - دەدى شۇعىل حيرۋرگيا ءبولىمىنىڭ مەڭگەرۋشىسى ەرلان مەڭدىعاليەۆ.
جەدەل وتا بارىسىندا حيرۋرگتار 5 جاسار بالانىڭ ىشەگىنەن 38 شاقتى ماگنيت شاريك الىپ شىققان.
قازىر بالانىڭ جاعدايى جاقسى. ازىرگە بالا ءالى جانساقتاۋ بولىمىندە جاتىر.
مامانداردىڭ ايتۋىنشا، ورتالىققا بوگدە زات جۇتىپ قويعان بالالار ءجيى كەلىپ تۇسەدى. ولاردىڭ ىشىندە 3-4 جاعدايدا دارىگەرلەر بالانىڭ ىشەگىنەن ماگنيت الىپ شىعارادى.
«كوبىنەسە بالالار گەلدەن جاسالعان شارلار، گۋبكا، ۇساق ويىنشىقتار، تيىن، تۇيمە، ينە جۇتىپ قويادى. ونىڭ ىشىندەگى گەلدەن جاسالعان بۇيىمدار، ماگنيت، ينەلەر ەڭ ءقاۋىپتى بولىپ تابىلادى»، - دەدى ءبولىمنىڭ جاۋاپتى حيرۋرگى ازات مامىراسىل.
بوگدە زات جۇتىپ قويىپ وتا ۇستەلىنەن ءبىراق شىعاتىن بالالاردىڭ جاسى 1-14 ارالىعىندا. بىلتىر 2 جاستاعى بالانىڭ ىشەگىنەن گەلدەن جاسالعان شارلار الىندى. ءتىپتى تاماقتىڭ اراسىندا بالالاردىڭ دەنساۋلىعى ءۇشىن قاۋىپتى تۇرلەرى بولادى ەكەن.
«بالالار كوبىنەسە سۇيەك بولىكتەرىن جۇتىپ قويادى. جاڭعاقتار، شەمىشكەنىڭ قابىعى وكپەسىندە، كەڭىردەگىندە تۇرىپ قالادى»، - دەدى ا. مامىراسىل.
اۆتور: گۇلميرا عوسمانالي