مالىمەت بويىنشا، 2017 - جىلعى 13 - ماۋسىمدا استانا قالاسى №2 ەسىل اۋداندىق سوتى ق ر ق ك- ءنىڭ 361-بابىنىڭ 4-بولىگى، 185-بابىنىڭ 3-بولىگىندە قاراستىرىلعان قىلمىستاردى جاساعانىن مويىنداۋ تۋرالى كەلىسىممەن سوتقا كەلىپ تۇسكەن مايلىبايەۆ باعلان اساۋباي ۇلىنا جانە گاليحين نيكولاي نيكولايەۆيچكە قاتىستى قىلمىستىق ءىستى قارادى.
سوت ۇكىمىمەن ب. مايلىبايەۆ جوعارىدا كورسەتىلگەن باپتار بويىنشا كىنالى دەپ تانىلدى جانە وعان مۇلكى تاركىلەنە وتىرىپ، مەملەكەتتىك ورگانداردا لاۋازىمدى اتقارۋ قۇقىعىنان ءومىر بويىنا ايىرىپ، 5 جىلعا باس بوستاندىعىنان ايىرۋ جازاسى تاعايىندالدى. ن. گاليحين ق ر ق ك- ءنىڭ 185-بابىنىڭ 3-بولىگىندە كوزدەلگەن قىلمىستى جاساعانى ءۇشىن كىنالى دەپ تانىلدى جانە وعان مەملەكەتتىك ورگانداردا لاۋازىمدى اتقارۋ قۇقىعىنان 3 جىلعا ايىرىپ، 4 جىلعا شارتتى تۇردە باس بوستاندىعىنان ايىرۋ جازاسى تاعايىندالدى. سونداي- اق، سوت ۇكىمىمەن قازاقستان رەسرۋبليكاسى پرەزيدەنتىنە سوتتالعانداردى بارلىق مەملەكەتتىك ناگرادالاردان ايىرۋ تۋرالى ۇسىنىس بەرىلدى. ۇكىم زاڭدى كۇشىنە ەندى. قۇپيالىلىقپەن بايلانىستى قىلمىستىق ءىس جابىق سوت وتىرىسىندا ءوتتى.
بۇرىنعى جوعارى شەندى قىزمەتكەرلەرگە «مەملەكەتتىك قۇپيانى زاڭسىز جيناۋ، تاراتۋ جانە اشكەرە ەتۋ» ايىبى تاعىلعان .
پرەزيدەنت اكىمشىلىگى جەتەكشىسىنىڭ بۇرىنعى ورىنباسارى باعلان مايلىبايەۆ قاڭتاردىڭ 12- ءسى كۇنى قىزمەتىنەن بوساتىلىپ، سول كۇنى ۇستالعان. ونىمەن بىرگە پرەزيدەنت اكىمشىلىگى ىشكى ساياسات ءبولىمى باستىعىنىڭ ورىنباسارى نيكولاي گاليحين دە ۇستالعان.