بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«بۇگىندە قازاقستان ازاماتتارىن ۆاكسيناتسيالاۋ «سپۋتنيك V» جانە «QazVac» ۆاكسينالارىمەن جۇرگىزىلىپ جاتىر. قازاقستان COVID-19-عا قارسى الەمدىك ۆاكسينا وندىرۋشىلەردىڭ وندىعىنا كىردى. الەمدىك رەيتينگكە سايكەس، قازاقستان 177 ەلدىڭ ىشىندە كوروناۆيرۋس ينفەكسياسىنا قارسى ۆاكسينا العاندار سانى بويىنشا 52-ورىندا تۇر»، - دەدى مينيستر.
ونىڭ اتاپ وتۋىنشە، ۆاكسينانى جەتكىزۋ كەستەگە سايكەس، كەزەڭ- كەزەڭمەن جۇزەگە اسىرىلىپ جاتىر. بۇل ەگۋگە جاتاتىن حالىقتىڭ 20 پايىزىن ۆاكسينامەن قامتاماسىز ەتۋگە مۇمكىندىك بەرەدى.
«جۇمىس جالعاسۋدا. ۆاكسيناتسيامەن قامتۋ ەلدەگى ەپيدەميولوگيالىق احۋالدى تۇراقتاندىرۋعا مۇمكىندىك بەرەدى»، - دەدى الەكسەي سوي.