بۇگىن ق ر پارلامەنتى ءماجىلىسىنىڭ جالپى وتىرىسىندا دەپۋتاتتار ساۋالىنا جاۋاپ بەرگەن ۇلتتىق ەكونوميكا ءمينيسترى ەربولات دوسايەۆ وسىلاي ءمالىم ەتتى.
ەسكە سالا كەتەيىك، جالپى وتىرىستا «2015-2017 - جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ماقۇلدانعان بولاتىن.
بيۋدجەتتى تالقىلاۋ بارىسىندا دەپۋتات ۇلاسبەك سادىبەكوۆ بولجامعا سايكەس، جالپى ىشكى ءونىمنىڭ الداعى بەس جىلدا ايتارلىقتاي وسپەيتىنىن ايتا كەلە، بيۋدجەتتىڭ كىرىستەرى دە تومەندەۋ بولاتىنىن نازارعا الدى. «بۇل كورسەتكىشتەر بيۋدجەتتىڭ شىعىستارىنا قالايشا اسەر ەتەدى؟ الداعى ۋاقىتتا شىعىستاردى قايتا قىسقارتۋ، ولاردى كەيىنگە نەمەسە بەلگىلەنبەگەن مەرزىمگە اۋىستىرۋ بولجانا ما؟» دەپ سۇرادى دەپۋتات.
ءوز كەزەگىندە مينيستر ەربولات دوسايەۆ جىل سايىن ەكونوميكانىڭ بولجامى جىلجىمالى نەگىزدە ايقىندالىپ وتىراتىنىن العا تارتتى. «بيىل ج ءى ءو- ءدى ناقتىلانعان قاراعاندا ءبىرشاما تومەن بولجادىق. بيۋدجەتتىڭ جاڭا جوباسىندا شىعىستاردىڭ ءبىراز بولىگى دە وڭتايلاندىرىلدى. بۇدان ارتىق قىسقارتۋ دەگەنگە كەلسەك، ءبىزدىڭ الدىمىزدا مۇنايدىڭ باعاسى باررەلىنە 40 دوللارعا، 30 دوللارعا دەيىن تومەندەسە قايتا قارالاتىن سسەناريىمىز بار. سول كەزدە عانا ەكونوميكانىڭ ناشارلاۋىنا وراي شىعىستار قايتا قارالۋى مۇمكىن. سوندىقتان دا، الداعى ۋاقىتتا بارلىق بولجامدار مەن وزگەرىستەر وسى ايتىلعان نەگىزدەرگە سايكەس بولادى»، - دەدى ە. دوسايەۆ.
اۆتور: قانات مامەتقازى ۇلى