جوبا ەلىمىزدە العاش رەت وبلىستىق تۋريزم باسقارماسىنىڭ باستاماسىمەن، «رۋحاني جاڭعىرۋ» باعدارلاماسى جانە جاستار جىلى اياسىندا جۇزەگە اسىپ وتىر. سونىمەن قاتار، وبلىستىڭ تۋريستىك الەۋەتىن ارتتىرۋ ماقساتىندا «سيفرلىق قازاقستان» باعدارلاماسى نەگىزىندە ورناتىلعان «Taraz Tour» موبيلدىك قوسىمشاسى تۋريستىك نىساندار تۋرالى اقپارات تاراتپاق. بۇل تۋرالى اتالعان باسقارما باسشىسى قارلىعاش ارالبەكوۆا ايتىپ بەردى.
«بۇل قوسىمشا تۋريستەر مەن قوناقتارعا وبلىستاعى نەگىزگى 33 تاريحي-مادەني وبەكتى مەن قوناق ۇيلەر، تاماقتانۋ ورىندارى، شيپاجايلار جانە دەمالىس ورىندارى تۋرالى 5 تىلدە، ياعني قازاق، ورىس، اعىلشىن، تۇرىك، قىتاي تىلدەرىندە اقپارات الۋ ماقساتىندا ازىرلەندى. شەتەلدەن كەلگەن تۋريستەر قوسىمشاداعى سويلەۋ سوزدىگىمەن جانە ەكسكۋرسيالىق مارشرۋتتاردى قۇرىپ بەرەتىن ينتەراكتيۆتى كارتانى قولدانىپ، ءار وبەكتىدە قويىلعان ارنايى QR- كودتارىن وزدەرىنىڭ موبيلدى تەلەفونىنا سكانەرلەۋ ارقىلى اۋديوگيدتى تىڭداپ، تولىق اقپارات تىڭداۋعا مۇمكىندىگى بار»، - دەيدى قارلىعاش ارالبەكوۆا.
ايتا كەتۋ كەرەك، 88.8 FM تۋريستىك راديوتولقىنى تاراز قالاسىنا كىرەبەرىستەن 4 كيلومەتر راديۋستا ۇستايدى.