استانا
ساعات 10:00-دە «ۇكىمەت ۇيىندە» ۇكىمەت وتىرىسى وتەدى. وتىرىس بارىسىندا 2018-2022 -جىلدارعا ارنالعان ق ر الەۋمەتتىك- ەكونوميكالىق دامۋ بولجامدارى مەن 2018-2020 -جىلدارعا ارنالعان رەسپۋبليكالىق بيۋدجەت ناقتىلانادى. سونىمەن قاتار 2016-2019 -جىلدارعا ارنالعان ەلىمىزدەگى ءبىلىم مەن عىلىمدى دامىتۋ مەملەكەتتىك باعدارلاماسىنىڭ وتكەن جىلعى جۇزەگە اسىرىلۋىنا قورىتىندى شىعارىلادى. مۇنان بولەك، ۆەتەرينارلىق جانە فيتوسانيتارلىق قاۋىپسىزدىك، دەنساۋلىق ساقتاۋ سالاسىن تسيفرلاندىرۋ ماسەلەسى قارالىپ، 2018 -جىلدىڭ 1 -توقسانىندا ينفلياتسيا دەڭگەيى ءسوز بولادى.
ءدال وسى ۋاقىتتا ل. گۋميلەۆ اتىنداعى ەۋرازيا ۇلتتىق ۋينۆەرسيتەتىندە ق ر ءى ءى م ەسىرتكى بيزنەسىمەن ۇ ك ر ە س دەپارتامەنتى استانا قالالىق ىشكى ىستەر دەپارتامەنتىمەن بىرلەسىپ، «جاسوسپىرىمدەر ناشاقورلىعىنىڭ الدىن الۋ» تاقىرىبىندا ينتەراكتيۆتى ساباق وتكىزەدى.
ال ساعات 10:00-دە س. سەيفۋللين اتىنداعى قازاق اگروتەحنيكالىق ۋنيۆەرسيتەتىندە ەرلەر مەن ايەلدەر اراسىندا «بەلبەۋ كۇرەسىنەن» قازاقستان چەمپيوناتى باستالادى.
اراعا ءبىر ۋاقىت سالىپ «كورمە» كورمە ورتالىعىندا KIAF قازاقستاندىق 3- حالىقارالىق اۆتوموبيل فورۋمى ءوز جۇمىسىن باستايدى. كورمە تاقىرىبى: جولاۋشىلار كولىگىنىڭ بولاشاعى.
ورتالىق كوممۋنيكاتسيالار قىزمەتىندە ساعات 15:00-دە «قايتارىمسىز قان دونورلىعىن دامىتۋدىڭ وزەكتى ماسەلەلەرى» تاقىرىنداعى II ەۋرازيالىق كونگرەسسكە ارنالعان باسپا ءسوز ءماسليحاتى بولادى.
ساعات 16:00-دە Sputnik قازاقستان مۋلتيمەديالىق باسپا ءسوز ورتالىعىندا استانا مەن ماسكەۋ ساراپشىلارىنىڭ قاتىسۋىمەن مەملەكەت باسشىسىنىڭ «تاۋەلسىزدىك ءداۋىرى» كىتابىن تالقىلاۋعا ارنالعان بريفينگ- تەلەكومىر وتەدى.
ال ساعات 19:00-دە بۇكىل رەسەيلىك دەكوراتيۆتى- قولدانبالى جانە حالىق ونەرى مۋزەيىنىڭ ق ر ۇلتتىق مۋزەيىمەن بىرلەسكەن «ۇلى دالا مۇراسى: زەرلەردىك ونەر جاۋھارلارى» اتتى كورمەسى اشىلادى.
الماتى
ساعات 10:00-دە My Café- دە ينتەراكتيۆتى كۋلينارلىق كەزدەسۋ وتەدى. وندا امەريكالىق ساياساتتانۋشى ءارى ەكونوميست دەۆيد م. ۆالەر ب ا ق وكىلدەرى ءۇشىن ارنايى ەت اسىپ بەرەدى.
سونىمەن قاتار ساعات 10:00-دە بورالداي مۇناي بازاسىندا «گازپروم- مۇناي قازاقستان» ستاتسيوناردىق زەرتحاناسى اشىلادى. ءباسپاسوز تۋرى بارىسىندا زەرتحانانىڭ بىرەگەي قۇرال- جابدىقتارىمەن تانىسۋعا جانە كەز كەلگەن جانار- جاعارمايدى تەكسەرۋ پروتسەسىن كورۋگە مۇمكىندىك بار.
ادام قۇقىعى جونىندەگى قازاقستاندىق حالىقارالىق بيۋرو باسپا ءسوز ورتالىعىندا ساعات 11:00-دە «سەگىز ستۋدەنت سوتتالدى، ەسىرتكى اينالىمى جالعاسۋدا» تاقىرىبىندا باسپا ءسوز ءماسليحاتى ۇيىمداستىرلادى.
11:00-دە المات قالاسىنىڭ وڭىرلىك كوممۋنيكاتسيالار قىزمەتىندە قالانىڭ باسپانا جانە تۇرعىن ءۇي يسپەكسياسى باسقارماسىنىڭ وتكەن جىلعى جۇمىس قورىتىندىسى مەن بيىلعى جوسپارلارىنا ارنالعان باسپا ءسوز ءمالسيحاتى وتەدى.
ال كەشكى ساعات 16:00-دە Kinopark 11 (ەسەنتاي) IMAX 3D كينوتەاترىندا «امىرە» فيلمىنىڭ تۇساۋكەسەرى بولادى.
وڭتۇستىك قازاقستان وبلىسى
11:00-دە شىمكەنت قالاسى ءال-فارابي اۋدانى اكىمدىگىنىڭ عيماراتىندا ق ر پارلامەنتى سەناتىنىڭ دەپۋتاتى ءالي بەكتايەۆ قالا اكتيۆىمەن كەزدەسىپ، ەلباسىنىڭ بەس الەۋمەتتىك باستاماسىن تۇسىندىرەدى.
شىعىس قازاقستان وبلىسى
17:00-دە سەمەي قالاسىنداعى اباي اتىنداعى شىعىس قازاقستان وبلىستىق مەملەكەتتىك قازاق مۋزىكالىق- دراما تەاتردا «رۋحاني جاڭعىرۋ» باعدارلاماسى اياسىندا 18-22 جاس ارالىعىندا ستۋدەنتتەر مەن جۇمىس ىستەيتىن جاستار اراسىنداعى WorldSkills Shygys 2018 كاسىبي شەبەرلىك حالىقارالىق تۋرنيرىنىڭ وڭىرلىك چەمپيوناتىنىڭ اشىلۋى بولادى.
قوستاناي وبلىسى
ساعات 12:00-دە ا. بايتۇرسىن ۇلى اتىنداعى قوستاناي مەملەكەتتىك ۋنيۆەرسيتەتىندە ق ر پارلامەنتى سەناتىنىڭ دەپۋتاتتارى بەكتاس بەكنازاروۆ، سەرىك بەكتۇرعانوۆ جانە جەڭىس نۇرعاليەۆ ستۋدەنتتەرمەن كەزدەسىپ، ق ر پرەزيدەنتىنىڭ بەس الەۋمەتتىك باستاماسىن تۇسىندىرەدى.