روسستات دەرەگىنشە، وتكەن جىلى رەسەيگە جارتى ميلليوننان استام ازامات كوشىپ بارعان. ەلگە كەلگەن ميگرانتتار سانى جاعىنان وزبەكستان الدا كەلەدى. رەسەي ءى ءى م اقپاراتى بويىنشا، 2018 -جىلى ميگراتسيالىق تىركەۋگە 4,5 ميلليون وزبەك ازاماتى تۇرسا، 3,25 ميلليون وزبەك تىركەۋدەن شىققان. ال رەسەيگە بارۋ جاعىنان ەكىنشى ورىندا تۇرعان تاجىكستاننان وتكەن جىلى ەلگە 31 مىڭنان استام ادام كەلگەن.
دەگەنمەن روسستات ماماندارى 2018 -جىلى ميگرانتتار سانىنىڭ سوڭعى بەس جىلداعى ەڭ تومەنگى كورسەتكىشكە تۇسكەنىن ايتادى. كوشى- قون اعىمىنىڭ (كەلۋشىلەر مەن كەتكەندەر اراسىنداعى ايىرماشىلىق) كورسەتكىشى 2005 -جىلدان بەرگى ەڭ تومەنگى دەڭگەيگە دەيىن ازايعان.
ماسكەۋ مەملەكەتتىك ۋنيۆەرسيتەتىنىڭ وقىتۋشىسى، عالىم ولگا چۋدينوۆسكيح ر ب ك ارناسىنا بەرگەن سۇحباتىندا رەسەي ميگرانتتار ءۇشىن جايلى ەل بولۋدان قالىپ بارادى دەپ ايتقان. مۇندا سوڭعى ۋاقىتتا زاڭدى جۇمىس ىستەۋ ءۇشىن بەرىلەتىن پاتەنت قۇنى قىمباتتاپ، اي سايىن مەملەكەتكە تولەنۋى ءتيىس تولەم مولشەرى كوبەيگەن.
2018 -جىلى ەلدەن 440 مىڭ ادام كەتكەن. بۇل سوڭعى جىلدارداعى ەڭ جوعارعى كورسەتكىش. ەلدەن كەتكەندەر اراسىندا رەسەي ازاماتتارىمەن قاتار ميگرانتتار دا بار.