ق ر ءى ءى م توتەنشە جاعدايلار كوميتەتىنىڭ دەرەگىنشە، 242 ادام، ونىڭ ىشىندە 80 بالا شومىلۋعا جابدىقتالماعان جەرلەردە سۋعا ءتۇسىپ باتىپ كەتكەن. ە ەرەسەكتەردىڭ قاراۋىنسىز قالعان 24 بالانىڭ دا اجالى سۋدان بولدى. سونداي- اق ماس كۇيىندە سۋعا شومىلعان 23 ادام مەرت بولدى. سۋعا شومىلۋ ماۋسىمى باستالعاننان بەرى جەدەل- قۇتقارۋ جاساعىنىڭ قۇتقارۋشىلارى 269 ادامدى، ونىڭ ىشىندە 85 بالانى قۇتقاردى.
ەلىمىزدە رەسمي سۋعا ءتۇسۋ جانە سۋ جانىندا دەمالۋعا ارنالعان 607 ورىن (107 كوممۋنالدىق جانە 500 جەكە جاعاجاي) بەلگىلەنگەن. 27 كوممۋنالدىق جاعاجايدىڭ اكۆاتوريالارى ءى ءى م ت ج ك بولىمشەلەرىنىڭ باقىلاۋىندا بولدى. سونداي- اق 53 موبيلدىك قۇتقارۋ بەكەتتەرىن قويۋ ارقىلى سۋ ايدىندارىنىڭ 113 قاۋىپتى ۋچاسكەسى (تابيعي جاعاجايلار) باقىلاۋعا الىنعان. جەكە جاعاجايلاردا كەزەكشىلىك ەتۋ ءۇشىن تجك بولىمشەلەرىندە ارنايى دايارلىقتان وتكەن قوعامدىق قۇتقارۋشى- جاساقشىلاردىڭ كۇشىمەن 310 نىساندىق قۇتقارۋ بەكەتى قۇرىلعان.
شومىلۋعا تىيىم سالىنعان 3 مىڭنان استام ورىن انىقتالدى. اتالعان جەرلەرگە 3386 ەسكەرتۋ بەلگىسى مەن 1120 كورنەكى ستەند ورناتىلىپ، وندا ادامداردىڭ قازا بولۋ سەبەپتەرى مەن وقيعاعا ىقپال ەتكەن جاعدايلار كورسەتىلگەن.
1 - مامىر مەن 1 - قىركۇيەك ارالىعىندا 14 مىڭنان استام رەيد جۇرگىزىلدى. 2 مىڭنان استام ادام اكىمشىلىك جاۋاپكەرشىلىككە تارتىلىپ، 12 ميلليون تەڭگەدەن استام ايىپپۇل سالىنعان.