قازاقستان رەسپۋبليكاسى پرەزيدەنتىنىڭ 1997-جىلعى 20- قازانداعى 3700№ جارلىعىنا سايكەس، اقمولا قالاسى 1997-جىلعى 10- جەلتوقساننان باستاپ قازاقستان رەسپۋبليكاسىنىڭ استاناسى بولىپ جاريالاندى.
ايتا كەتسەك، قازاقستان رەسپۋبليكاسى جوعارعى كەڭەسىنىڭ قازاقستان رەسپۋبليكاسىنىڭ استاناسىن اۋىستىرۋ تۋرالى قاۋلىسى 1994-جىلى 6- شىلدەدە الماتىداعى پارلامەنت ۇيىندە قابىلدانعان.
1998-جىلدىڭ 6- مامىرىندا پرەزيدەنت ن. ءا. نازاربايەۆ «اقمولا قالاسىنىڭ قازاقستان رەسپۋبليكاسىنىڭ استاناسى - استانا قالاسى بولىپ وزگەرتىلگەنى تۋرالى» جارلىققا قول قويدى.
جاڭا استانانى الەمگە تانىستىرۋ، ياعني رەسمي تۇساۋكەسەرى 1998-جىلعى 10- ماۋسىمعا تاعايىندالدى.
2008-جىلى 24- ماۋسىمداعى زاڭمەن 6- شىلدە - استانا كۇنى، مەملەكەتتىك مەرەكە بولىپ بەلگىلەندى.
بيىل اقمولا قالاسىنىڭ استانا اتاۋىن الىپ، ەلوردا بولعانىنا 24 جىل تولدى.
بۇعان دەيىن حابارلاعانىمىزداي، كەلەر جىلى استانا كۇنى مەرەكەسىنە وراي دەمالىس كۇندەرىنىڭ كەستەسى وزگەرمەك.
اتاپ ايتقاندا، 1- شىلدە، سەنبى - جۇمىس كۇنى، ال 7- شىلدە، ياعني جۇما دەمالىس كۇنى بولۋى مۇمكىن. بۇل تۋرالى اشىق تالقىعا شىعارىلعان ۇكىمەت قاۋلىسىندا جازىلعان.