ساكەن قالقامانوۆتىڭ حابارلاۋىنشا، شالعاي اۋداننىڭ تۇرعىنى وڭىرگە پاۆلودار- قىزىلوردا باعىتىنداعى پويىزبەن كەلگەن. «كوروناۆيرۋس جۇقتىرعان ازامات 27 - ناۋرىزدان بەرى قىزۋى كوتەرىلىپ اۋىرعان. اۋرۋحاناعا 30 - ناۋرىز كۇنى قارالعان. ناۋقاس 21 -ناۋرىز كۇنى نۇر- سۇلتان قالاسىنان پاۆلودار- قىزىلوردا باعىتىنداعى پويىزبەن قاراعاندى قالاسىنا توقتاعان. التى ساعات ۆوكزالدا وتىرعان ول ارى قاراي پەتروپاۆل- قىزىلوردا باعىتىنداعى پويىزعا 22 - ناۋرىز كۇنى ساعات 6:00 دە وتىرعان. 23 - ناۋرىز كۇنى شىمكەنت قالاسىنان تۇسكەن. ارى قاراي جەكە كولىكپەن جەتىساي قالاسىنا جولعا شىققان. ازىرگە انىقتالعانى - ناۋقاسپەن 16 ادام قارىم- قاتىناستا بولعان. 5 ادام نۇر- سۇلتان قالاسىندا بايلانىستا بولسا، 11 ادام - جەتىساي قالاسىنىڭ تۇرعىندارى» دەلىنگەن پاراقشادا. ايتا كەتەيىك، تۇركىستان وبلىسىندا بۇگىن كوروناۆيرۋس جۇقتىرعان ناۋقاس انىقتالعانى حابارلانعان بولاتىن.
23:32, 31 ناۋرىز 2020
جەتىسايداعى كوروناۆيرۋس جۇقتىرعان ناۋقاس 23 - ناۋرىزدا نۇر-سۇلتاننان كەلگەن
تۇركىستان. قازاقپارات - تۇركىستان وبلىسىندا ىندەت جۇقتىرعان ناۋقاس جەتىساي اۋدانىنىڭ تۇرعىنى بولىپ شىقتى. بۇل تۋرالى وبلىس اكىمىنىڭ ورىنباسارى ساكەن قالقامانوۆ فەيسبۋك الەۋمەتتىك جەلىسىندەگى پاراقاشاسىندا جاريا ەتتى، دەپ حابارلايدى قازاقپارات ءتىلشىسى.