بۇل جايىندا ق ر پرەزيدەنتى اكىمشىلىگى قوعامدىق قابىلداۋىنىڭ Telegram-داعى پاراقشاسىندا ايتىلعان، دەپ حابارلايدى قازاقپارات ءتىلشىسى.
«جىل باسىنان بەرى ق ر پرەزيدەنتىنىڭ اكىمشىلىگىنە 22 مىڭنان استام ازاماتتان ءوتىنىش ءتۇستى. ونىڭ جارتىسىنان كوبى (12 مىڭ) ورتالىق مەملەكەتتىك ورگانداردىڭ، 4 مىڭنان اسامى جەرگىلىكتى اتقارۋشى ورگانداردىڭ قۇزىرەتىنە، شامامەن 6 مىڭى ورتالىق مەملەكەتتىك جانە جەرگىلىكتى اتقارۋشى ورگانداردىڭ ورتاق قۇزىرەتىنە جاتادى»، - دەپ اتاپ وتەدى قوعامدىق قابىلداۋدان.
تاراتىلعان اقپاراتقا قاراعاندا، 2019 -جىلدىڭ ساۋىرىندە مەملەكەت باسشىسىنىڭ تاپسىرماسىنا سايكەس «ۆيرتۋالدى قابىلداۋ» جۇمىس ىستەي باستادى. بۇگىنگى كۇنگە دەيىن وعان 6 مىڭنان استام ءوتىنىش كەلىپ ءتۇستى.
وتىنىشتەردى قاراۋدى باقىلاۋ ءبولىمى ق ر پرەزيدەنتى اكىمشىلىگىنە تۇسكەن بارلىق وتىنىشتەردىڭ 90 پايىزىنا دەيىن باقىلاۋعا الىپ، ولاردىڭ مەملەكەتتىك ورگانداردا قارالۋىنىڭ بارلىق كەزەڭىن مونيتورينگپەن قامتاماسىز ەتىپ وتىر. پرەزيدەنت كومەكشىسى - وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى ايدا بالايەۆا جانە ونىڭ قىزمەتكەرلەرى 2019 -جىلدىڭ تامىزىنان بەرى وڭىرلەردەگى كوشپەلى قابىلداۋلاردى قوسا العاندا جالپى 1,3 مىڭ ادامدى جەكە قابىلدادى.
ءبولىمنىڭ ۇيلەستىرۋىمەن ناقتى وتىنىشتەر بويىنشا ۆەدومستۆو ارالىق ءوزارا ءىس- قيمىل جۇزەگە اسىرىلىپ، ءوتىنىش بەرۋشىنىڭ ماسەلەلەرى مەن مەملەكەتتىك ورگانداردىڭ جاۋاپتارىنا زاڭدىق ساراپتاما جۇرگىزىلەدى. ءوتىنىش بەرۋشىمەن كەرى بايلانىس ورناتىلعان. جەكەلەگەن كەيستەرگە بايلانىستى مۇددەلى مەملەكەتتىك ورگانداردىڭ بەيىندى ماماندارىنان جۇمىس توبى قۇرىلادى.
ءبولىم جۇمىسىندا ءبىرقاتار جاڭالىق قولدانىلادى.
اتاپ ايتقاندا، وڭىرلەردە ازاماتتاردى كوشپەلى قابىلداۋ جولعا قويىلعان. ولاردىڭ وتەتىندىگى تۋرالى اقپارات اكىمدىكتەردىڭ رەسمي سايتتارىندا جانە وڭىرلىك ب ا ق- تا جاريالانىپ تۇرادى. ءبولىم قۇرىلعان ساتتەن بەرى 8 وبلىستا جانە رەسپۋبليكالىق ماڭىزى بار قالالاردى كوشپەلى قابىلداۋ ۇيىمداستىرىلدى. ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىمەن بىرگە وتىنىشتەرمەن جۇمىس جونىندەگى ءبىرىڭعاي نۇسقاۋلىق ازىرلەندى. باس پروكۋراتۋرامەن بىرگە مەملەكەتتىك ورگانداردىڭ وتىنىشتەرمەن جۇمىس ىستەۋىنە ارنالعان «ە-ءوتىنىش» ءبىرىڭعاي تۇعىرناماسى جوباسى ىلكى رەجىمدە ىسكە قوسۋعا دايىندالىپ جاتىر.
ق ر پرەزيدەنتى اكىمشىلىگىنىڭ قوعامدىق قابىلداۋى الەۋمەتتىك جەلىدە دە بەلسەندى جۇمىس ىستەيدى. تاۋەلسىز زاڭگەرلەردىڭ تۇجىرىمىن پايدالانۋ تاجىريبەسى ەنگىزىلدى. بۇل كەلىپ تۇسكەن وتىنىشتەرگە باستاپقى ساراپتامانى بارىنشا ساپالى جۇزەگە اسىرۋعا سەپتىگىن تيگىزەدى. ق ر پرەزيدەنتى اكىمشىلىگى قوعامدىق قابىلداۋىنىڭ كولل- ورتالىعى قۇرىلدى. نۇر-سۇلتانداعى جانە باسقا دا قالالارداعى فرونت- كەڭسەلەلەردە ازاماتتاردى قابىلداۋ بارىسىندا وڭىرلەرمەن ۆيدەوكونفەرەنتس بايلانىستى پايدالانۋ تاجىريبەسى قولعا الىندى.
تولىقتاي العاندا، ءبولىم قىزمەتى «حالىققا قۇلاق اساتىن مەملەكەت» تۇجىرىمداماسىن جۇزەگە اسىرۋعا باعدارلانعان.
اۆتور: مارلان جيەمباي