كومپانيا باسپا ءسوز قىزمەتىنىڭ مالىمەتىنشە، جەڭىلدىكتەر «تۇلپار-تالگو» جۇردەك پويىزدارىنىڭ ۆاگوندار كلاسىنا بايلانىستى.
701/702№ «استانا-الماتى» پويىزىنىڭ «گراند» جانە «تۋريست» كلاستى ۆاگوندارىنا - 15 پايىز، 703/704№ «الماتى-پەتروپاۆل» پويىزىنىڭ «گراند» جانە «تۋريست» كلاستى ۆاگوندارىنا - 15 پايىز، 709/710№ «استانا- شىمكەنت» پويىزىنىڭ «تۋريست» كلاستى ۆاگوندارىنا - 20 پايىز، 89/90№ «استانا-قىزىلوردا» پويىزىنىڭ «تۋريست» كلاستى ۆاگوندارىنا - 20 پايىز جەڭىلدىكتەر قاراستىرىلعان.
سونداي-اق، وسى پويىزداردا ديناميكالىق تاريفتەردى باسقارۋ باعدارلاماسى جۇمىس ىستەيدى. وندا بيلەتتىڭ باعاسى ساتىپ العان كۇنگە بايلانىستى وزگەرەدى. بيلەتتى الدىن الا ساتىپ الاتىن جولاۋشى 35 پايىزدىق جەڭىلدىككە يە بولادى. ءبىراق، پويىزدىڭ كەتۋ كۇنى جاقىنداعان سايىن بيلەت باعاسى قىمباتتايدى.
وسىلايشا كوكتەمگى جەڭىلدىكتەردى ەسكەرە وتىرىپ، 1- ساۋىردەن باستاپ بيلەتتى الدىن الا ساتىپ العان جولاۋشىعا 50 پايىزدان ارتىق جەڭىلدىكتەر ۇسىنىلىپ وتىر.