سونىمەن «جىلدىڭ ۇزدىك فوتوسۋرەتى» اتالىمىندا تاۋەلسىز ەكولوگيالىق شولۋشى ساكەن دىلداحمەت جەڭىمپاز اتاندى.
«جىلدىڭ ۇزدىك رەپورتاجى» اتالىمى Kyzylorda-news.kz پورتالىنىڭ جۋرناليسى نۇرسۇلتان مىقتىبايەۆقا، «جىلدىڭ ۇزدىك اناليتيكالىق ماتەريالى» اتالىمى Strategy2050.kz پورتالى جۋرناليسى قايرات جاندىبايەۆقا، «جىلدىڭ ۇزدىك جۋرناليستىك زەرتتەۋى» «ۆرەميا» گازەتىنەن ميحايل كوزاچكوۆقا بۇيىردى.
ال «ەگەمەن قازاقستان» گازەتىنىڭ ءتىلشىسى گۇلبارشىن سابايەۆا «جىلدىڭ ۇزدىك سۇحباتى»، اتالىمىندا، « Sputnik كازاحستان» اگەنتتىگىنىڭ ءتىلشىسى تيمۋر نيتالييەۆ جىلدىڭ ۇزدىك تانىمدىق ماتەريالى» اتالىمىندا جەڭىمپاز بولدى.
«راديوستانسياداعى ۇزدىك جوبا» اتالىمى «اتىراۋ» راديوستانسياسىنىڭ باعدارلاماسىنا بۇيىرسا، TengriNews پورتالى «جىلدىڭ ۇزدىك جاڭالىقتار پورتالى» اتالىمىندا جەڭىمپاز بولدى.
«جىلدىڭ ۇزدىك گازەتى» سىيلىعى جامبىل وبلىستىق «اقجول» گازەتىنە بەرىلدى. سونىمەن قاتار «جىلدىڭ ۇزدىك جۋرنالى» اتالىمىندا «جۇلدىز» جۋرنالى جەڭىمپاز دەپ تانىلدى. ال شەرحان مۇرتازا اتىنداعى نوميناتسيا قاينار ولجايعا بۇيىردى.
مۇنان بولەك، «Kazinform» حالىقارالىق اقپارات اگەنتتىگىنىڭ ارنايى سىيلىعى «ت ا س س» اگەنتتىگى مەن «Kaznews» موڭعولياداعى قازاقتىلدى پورتالعا بەرىلسە، «كازاحستانسكايا پراۆدا» گازەتىنىڭ ارنايى سىيلىعى ارداگەر جۋرناليست تاتيانا كوستيناعا تابىستالدى.
ايتا كەتەرلىگى، 2020 -جىلدىڭ 2 - قازانى مەن 5 - قاراشاسى ارالىعىندا ۇيىمداستىرىلعان «ۇركەر» ۇلتتىق سىيلىعىنىڭ 11 اتالىم بويىنشا قاتىسۋشىلارىنان 470 ءوتىنىم كەلىپ ءتۇستى. بۇگىن ءار اتالىم ۇزدىگىنە «ۇركەر» ەستەلىك مۇسىنشەسى جانە ءبىر ميلليون تەڭگە اقشالاي سىيلىق تابىس ەتىلدى. ۇلتتىق بايگەنى ق ر اقپارات جانە قوعامدىق دامۋ مينيسترلىگى مەن «مەديا دامىتۋ قورى» كورپوراتيۆتىك قورى ۇيىمداستىردى.
اۆتور: مارلان جيەمباي