ءداستۇر بويىنشا باق سالاسىنىڭ مايتالماندارى قىزىل كىلەممەن ەل الدىنان ءوتىپ جاتىر، دەپ حابارلايدى قازاقپارات ءتىلشىسى.
ءۇشىنشى جىل قاتارىنان ءوتىپ جاتقان سالتاناتتى شارا بيىل رەسمي بەكىتىلگەن ب ا ق قىزمەتكەرلەرى كۇنىنە ءدوپ كەلىپ وتىر. 11 اتالىم بويىنشا سىيلىق لاۋرەاتتارىن ەلدىڭ مەديا سالاسىن دامىتۋعا ەلەۋلى ۇلەس قوسقان بەلگىلى مەديا مەنەدجەرلەر، جۋرناليستەر، قوعام قايراتكەرلەرى قۇپيا داۋىس بەرۋ ارقىلى تاڭدادى.
لاۋرەات اتانعان جۋرناليستەرگە «سىيلىق جەڭىمپازى» اتاعىمەن بىرگە «ۇركەر-2019» ەستەلىك مۇسىنشەسى جانە 1 ميلليون تەڭگە قارجىلاي جۇلدە تابىستالادى.
بايقاۋعا شىعارماشىلىق جۇمىستارى 2018-جىلى جاريالانعان باسپا ءسوز رەداكسيالارى مەن ينتەرنەت-ب ا ق وكىلدەرى، سونداي-اق، راديوستانتسيالاردىڭ جۋرناليستەرى قاتىسقان بولاتىن.