وندا تاراپتار قىتايدىڭ استانادا وتەتىن «ەكسپو-2017» كورمەسىنە قاتىسۋ ماسەلەسىن تالقىلاندى.
ق ح ر- دان ۇلتتىق ۇيلەستىرۋشىنىڭ بەكىتىلۋىنە، قاتىسۋشى ەلدەردىڭ 2- وتىرىسىن وتكىزۋگە، قىتاي پاۆيلونىن سالۋعا، كورمە اياسىندا ەكونوميكالىق، ينۆەستيتسيالىق جانە مادەني شارالار وتكىزۋگە بايلانىستى ماسەلەلەر بويىنشا پىكىر الماسۋ ءوتتى.
ەلشى كورمەگە ازىرلىك بارىسىمەن، قازاقستاننىڭ ينۆەستيتسيالىق الەۋەتىمەن تانىستىرىپ، ق ر پرەمەر-ءمينيسترى كارىم ءماسىموۆتىڭ ق ح ر- عا رەسمي ساپارى بارىسىندا (2015-جىلدىڭ 12-16- جەلتوقسان) قىتاي تۋريستەرى ءۇشىن قازاقستاننىڭ تارتىمدىلىعىن جالعاستىرۋ بويىنشا قول جەتكىزىلگەن ۋاعدالاستىقتار تۋرالى حاباردار ەتتى.
ۋاڭ جيڭچەن ەكى ەل اراسىنداعى جان-جاقتى ستراتەگيالىق ارىپتەستىك قاتىناستاردىڭ جوعارى دەڭگەيىن جانە ق ح ر ءتوراعاسى شي جينپيڭ مەن ق ر پرەزيدەنتى نۇرسۇلتان نازاربايەۆتىڭ اراسىنداعى جاقسى قارىم-قاتىناستى ەسكەرىپ، قىتاي تاراپى كورمەگە قاتىسۋعا جانە «جاسىل ەنەرگەتيكا» سالاسىندا جۇمىس ىستەيتىن قىتايلىق كومپانيالاردىڭ باسىم بولىگىن تارتۋعا ءازىر ەكەنىن اتاپ ءوتتى.
«ەكسپو ەنەرگەتيكا، كولىك، ينفراقۇرىلىمدىق سالادا ەكى ەل كاسىپورىندارى اراسىنداعى ىنتىماقتاستىقتى رەتتەۋ ءۇشىن جاقسى الاڭ جانە قىتاي تۋريستەرى ءۇشىن قازاقستاننىڭ تۋريستىك تارتىمدىلىقتارىن ارتتىرۋ، ەكى ەلدىڭ تۋىستاس قالالارى اراسىنداعى ءوزارا ءىس-ارەكەتتى كۇشەيتۋگە مۇمكىندىك بولماق»، - دەدى ول.