دەپ حابارلادى ۇلتتىق كومپانيانىڭ باسپا ءسوز قىزمەتى.
ءا. جاقسىبەكوۆ كومپانيا ۇجىمىنا باسقارما ءتوراعاسىنىڭ جاڭا ورىنباسارى مارلەن جاكەجانوۆتى تانىستىردى. ول زاڭگەرلىك دەپارتامەنت، تاۋەكەل مەنەدجمەنتى جانە كورپوراتيۆتىك باسقارۋ، بۋحالتەرلىك ەسەپ جانە ەسەپتىلىك، ەكونوميكا جانە بيۋدجەتتىك جوسپارلاۋ دەپارتامەنتىنىڭ جۇمىستارىنا جەتەكشىلىك ەتەتىن بولادى.
ۇيىمنىڭ جاڭا قۇرىلىمىنا سايكەس باسقارما ءتوراعاسىنىڭ ورىنباسارى ۆلاديمير ليۋتوۆتىڭ مىندەتىنە ساۋلەت، قۇرىلىس، قاۋىپسىزدىك، جاڭا تەحنولوگيالار جانە IT ماسەلەلەرى كىرەدى.
ساتىپ الۋلار، نىسانداردى پايدالانۋ جانە وپەراتسيالىق قىزمەتتەرگە باسقارما ءتوراعاسىنىڭ ورىنباسارى الماس جامانبەكوۆ جاۋاپ بەرەدى. باسقارما ءتوراعاسىنىڭ ورىنباسارى ۆەرا كوباليا كورمەنى جۇرتشىلىق اراسىندا كەڭىنەن تانىتۋ، حالىقارالىق قاتىسۋشىلار مەن تۋريستەردى تارتۋ، كوممەرتسيالاندىرۋ جانە دەمەۋشىلىك، كونتەنت جانە كورمەدەن كەيىن نىسانداردى پايدالانۋ ماسەلەلەرىنە جەتەكشىلىك ەتەتىن بولادى.
الەكساندر سۋۆوروۆ ءوز ەركى بويىنشا باسقارما ءتوراعاسىنىڭ ورىنباسارى قىزمەتىنەن بوساتىلدى.
بىرىكتىرىلگەن ءبىرقاتار قۇرىلىمدىق بولىمشەلەردى ەسەپتەمەگەندە، ۇلتتىق كومپانيانىڭ دەپارتامەنتتەرى وزگەرىسسىز قالدىرىلدى.
سونداي- اق، اپپاراتتىق ءماجىلىس اۋقىمىندا كورمەنى جۇرتشىلىق اراسىندا كەڭىنەن تانىتۋ، تىركەۋ قۇجاتتاماسىنا سايكەس دەمەۋشىلەردى تارتۋ، حالىقارالىق قاتىسۋشىلارمەن كەلىسىم- شارتتار جاساسۋ، ەلباسىنىڭ تاپسىرماسى اياسىندا كورپوراتيۆتىك قاتىسۋشىلاردى - الەمدىك برەندتەردى، يننوۆاتسيالىق «جاسىل» تەحنولوگيالاردىڭ كوشباسشىلارىن تارتۋ جانە جەرگىلىكتى ۇلەستى قامتاماسىز ەتۋ ماسەلەلەرى تالقىلاندى.