ب ق و باس مەملەكەتتىك سانيتار دارىگەرى ورىنباسارىنىڭ 26-ساۋىردەگى قاۋلىسىمەن ىندەتكە قارسى ءىس- شارالاردى جۇرگىزۋ ءۇشىن پەريمەتر بويىنشا ەپيدەميولوگيالىق جاعدايدى باعالاۋ ماتريتساسىنا سايكەس ورال قالاسى، سونداي- اق اقجايىق، بايتەرەك، ءبورلى، قازتالوۆ، تەرەكتى جانە شىڭعىرلاۋ اۋداندارىنىڭ كىرەبەرىس جەرلەرىنە بلوكپوستار ورناتىلادى. بلوكپوستار ارقىلى كەدەرگىسىز وتۋگە حالىقتىڭ تىنىس- تىرشىلىگىن قامتاماسىز ەتۋ ۇيىمدارىنىڭ قىزمەتكەرلەرى، مەديتسينالىق كورسەتكىشتەر بويىنشا ءجۇرىپ- تۇراتىندار، كارانتيندىك ستاتسيوناردا ەمدەلۋشىلەر مەن باقىلانۋشىلار، جۇك تاسىمالداۋشىلار جانە ترانزيتتىك جولاۋشىلار، اۋىسىم (ۆاحتا) جۇمىسشىلارىن تاسىمالدايتىن كولىك قۇرالدارىنا رۇقسات بەرىلەدى.
سول سەكىلدى كوكتەمگى دالالىق، تابيعات قورعاۋ، ۆەتەرينارلىق، اۋىل شارۋاشىلىعى جۇمىستارى، جولداردى جوندەۋ، اپاتتىق- قۇتقارۋ قىزمەتى، اسا قاجەت تاۋارلار، ازىق- تۇلىك ونىمدەرى، ءدارى- دارمەك، جانار- جاعار ماي جەتكىزۋشىلەر، بارلىق جۇك تاسىمالىمەن، شارۋاشىلىق ءومىرىن قامتاماسىز ەتەتىن قۇرال- جابدىق، ماتەريالدارمەن اينالىساتىن ادامدار انىقتاماسى بولعان جاعدايدا كەدەرگىسىز وتەدى. تۇرعىلىقتى جەرىنە ورالاتىن (ءبىر وتباسى مۇشەلەرى)، ساياجاي ۇيلەرىنە، ومارتا، قىستاققا باراتىن، جاقىن تۋىسقانى قايتىس بولعان ادامدار، تەمىر جول ۆوكزالى، اۋەجاي، اۆتوۆوكزالعا بيلەتتى كورسەتۋ ارقىلى بارىپ- قايتۋشىلار اتالعان ساناتقا كىرەدى.
وعان قوسا وبلىس كولەمىندە «Ashyg» جوباسى ەنگىزىلەدى. سوعان سايكەس بقو كاسىپكەرلەر پالاتاسى جوباعا قاتىسۋعا وتىنىمدەردى قاراۋ ءۇشىن جانە قاتىسۋشىلاردىڭ ءتىزىمىن اكىمدىككە جىبەرەدى. جوباعا قاتىسۋشىلار اراسىندا بۇزۋشىلىقتىڭ الدىن الۋ جانە كاسىپكەرلىك نىساندارى اراسىندا «Ashyg» قوسىمشاسىن قولدانۋ، ەنگىزۋ جانە پايدالانۋ بويىنشا ءتۇسىندىرۋ جۇمىستارى جۇرگىزىلەدى. جاسى 65 تەن اسقاندارعا اسا قاجەتتىلىك بولماسا، تۇرعىلىقتى جەرلەرىنەن كەتپەۋگە كەڭەس بەرىلەدى. جەرلەۋ شارالارى كەزىندە 20 دان (وتباسى مۇشەلەرى، تۋىستار) ارتىق ادامنىڭ جينالۋىنا جول بەرىلمەيدى. باسقا دا كارانتيندىك شەكتەۋ شارالارى ساقتالادى.
ەسكە سالا كەتەيىك، بۇدان بۇرىن ب ق و- دا ءتورت كۇندە 700 گە جۋىق ادامنان كوروناۆيرۋس تابىلعانىن، 39 ادامنىڭ جانساقتاۋ بولىمىندە جاتقانىن جازعان بولاتىنبىز.