«3 - قازاندا ەلىمىزدىڭ بارلىق مەكتەپتەرىندە ەكولوگيالىق ساعات وتكىزەمىز. وعان ۇكىمەت مۇشەلەرى، بارلىق دەڭگەيدەگى اكىمدەر قاتىسادى. بۇل ەكولوگيالىق ساعاتتىڭ باستى ماقساتى - بالالارىمىزدى ەكولوگيالىق باعىتتا ءتالىم- تاربيە بەرۋ. ول جىلىنا 3-4 رەت وتكىزىلەتىن بولادى. ەكولوگيالىق ساعاتتى وتكىزگەننەن كەيىن بالالارمەن بىرگە مەكتەپ ۋچاسكەسىندە اعاش وتىرعىزۋ ناۋقانىن وتكىزەمىز. ءبىزدىڭ ەسەبىمىز بويىنشا وسى ناۋقان بارىسىندا 200 مىڭعا جۋىق اعاش وتىرعىزىلادى. بۇل ەڭ الدىمەن بالالارىمىزدى تابيعات پەن ەكولوگيالىق احۋالعا جاناشىرلىقپەن قاراۋعا بەيىمدەۋ ءۇشىن جۇرگىزىلەدى»، - دەدى مينيستر ەكولوگيالىق كودەكستى تالقىلاۋعا ارنالعان شارا اياسىندا.
سونىمەن قاتار، ول 12 - قازان كۇنى اعاش ەگۋگە باعىتتالعان رەسپۋبليكالىق اكسيانىڭ وتەتىندىگىن ايتتى.
«12- قازان كۇنى ءبىز اعاش وتىرعىزۋعا باعىتتالعان جالپى رەسپۋبليكالىق اكسيا وتكىزۋدى جوسپارلاپ وتىرمىز. تولىقتاي العان، كۇزدىڭ سوڭىنا دەيىن رەسپۋبليكادا 1 ميلليونعا دەيىن اعاش وتىرعىزىلادى دەپ كۇتەمىز»، - دەدى م. مىرزاعاليەۆ.
اۆتور: مارلان جيەمباي