وسى ايدىڭ باستى جاڭالىعى پوليتسەيلەردىڭ اتتەستاتسياسى بولماق.
كۇزدىڭ ەكىنشى ايىندا قازاقستاندا ءبىرقاتار جاڭاشىلدىق كۇشىنە ەنەدى.
پوليتسەيلەر اتتەستاتسيادان وتەدى
وسى جىلدىڭ 1 -قازانى مەن 2020 -جىلدىڭ 31 -ناۋرىزى ارالىعىندا پوليتسيانىڭ جەكە قۇرامى كەزەكتەن تىس اتتەستاتسيادان وتەدى.
العاشىندا قۇقىق قورعاۋ ورگاندارى قىزمەتكەرلەرىنىڭ اتتەستاتسياسى 2019 -جىلدىڭ 1 -قىركۇيەگىنە دەيىن ءوتۋى ءتيىس بولاتىن. ەلباسى نۇرسۇلتان نازاربايەۆ ءتيىستى جارلىققا وتستاۆكاعا كەتەر الدىندا قول قويعان ەدى. الايدا 2 ساۋىردە قازاقستاننىڭ قازىرگى پرەزيدەنتى قاسىم-جومارت توقايەۆ اتتەستاتسيا مەرزىمىن وزگەرتتى.
اتتەستاتسيا ءۇش كەزەڭنەن تۇرادى جانە ءبىرىنشى باسشىلار مەن پوليتسيا دەپارتامەنتتەرى باسشىلارىنان باستالادى.
اتتەستاتسيا بارىسىندا ءتارتىپ ساقشىلارىنىڭ زاڭدى ءبىلۋى مەن لوگيكالىق ويلاۋ قابىلەتى تەكسەرىلەدى. بۇدان بولەك، فيزيكالىق دايارلىعى مەن وق اتۋ قابىلەتى سىنالادى. اشىقتىق ءۇشىن اتتەستاتتاۋدىڭ بارلىق كەزەڭى ۆيدەوعا تۇسىرىلمەك.
كاسىپورىندار ونلاين باقىلاۋ- كاسسالىق ماشينالارعا كوشەدى
2019 -جىلدىڭ 1 -قازانىنان 224 قىزمەت ءتۇرى ونلاين باقىلاۋ- كاسسالىق ماشينالارىن قولدانا باستايدى.
بۇعان دەيىن ءساۋىر ايىنان 323، ال شىلدەدەن باستاپ 86 قىزمەت ءتۇرى ونلاين ب ك م- عا اۋىستى.
ونلاين باقىلاۋ-كاسسالىق ماشينالارىن قولدانۋ تالابى ورتاق پايدالانۋ تەلەكوممۋنيكاتسيا جەلىلەرى جوق اۋماقتا قىزمەتىن جۇزەگە اسىراتىن سالىق تولەۋشىلەرگە قاتىستى ەمەس.
اۋەجاي كودى وزگەرۋى مۇمكىن
وسى ايدا نۇرسۇلتان نازاربايەۆ اتىنداعى ەلوردا اۋەجايى حالىقارالىق اۋە كولىگى قاۋىمداستىعىنان (IATA) جاڭا ءۇش ءارىپتى كود الۋى مۇمكىن. بۇعان دەيىن نۇر-سۇلتانعا رەيس ورىندايتىن اۋە كومپانيالار كودتىڭ وزگەرۋىن قۇپتاعان ەدى.
بۇل ماسەلە 14 -قازاندا پولشا استاناسى ۆارشاۆادا وتەتىن جولاۋشى ستاندارتتارى كونفەرەنسياسىندا ءوز شەشىمىن تابادى دەپ جوسپارلانىپ وتىر.
نان كۇنى
جۋىردا قازاقستاننىڭ مەرەكەلەر ءتىزىمى تاعى ءبىر داتامەن تولىقتى. ۇكىمەت قاۋلىسىنا سايكەس، ەندى قازاقستاندىقتار جىل سايىن 16 -قازاندا نان كۇنىن تويلايدى.
سونداي-اق، قاراشانىڭ ءۇشىنشى جەكسەنبىسى - اۋىل شارۋاشىلىعى، تاماق جانە وڭدەۋ ونەركاسىبى قىزمەتكەرلەرى كۇنى بولىپ بەكىتىلدى.
ەلەكتر ەنەرگياسىنىڭ شەكتى تاريفى
بۇگىننەن باستاپ ەلەكتر ەنەرگياسىنىڭ 2025 -جىلعا دەيىنگى شەكتى تاريفتەرى كۇشىنە ەندى.
ەنەرگەتيكا ءمينيسترىنىڭ 2019 -جىلعى 23 -قىركۇيەكتەگى بۇيرىعىمەن «ەلەكتر ەنەرگياسىنىڭ شەكتى تاريفتەرىن بەكىتۋ تۋرالى» بۇيرىققا وزگەرىستەر ەنگىزىلگەن بولاتىن.
ەنەرگيا ءوندىرۋشى ۇيىم ەلەكتر قۋاتىن ساتۋ باعاسىن ءوزى بەلگىلەيدى. الايدا ول ەنەرگيا ءوندىرۋشى ۇيىمداردىڭ ءتيىستى توبىنىڭ شەكتى تاريفىنەن اسىپ كەتپەۋى ءتيىس.