قازىر ەڭ ارزان تەمەكى 340 تەڭگە تۇرادى. ءبىراق 1 - شىلدەدەن باستاپ تەمەكى ونىمدەرىنە 20 تەڭگەدەن قوسىلادى. الايدا، بۇل قوسىمشا باعا مۇنىمەن شەكتەلىپ قالمايدى، دەپ حابارلايدى Stan.kz اقپاراتتىق اگەنتتىگى ك ت ك ارناسىنا سىلتەپ.
كەلەسى جىلدان باستاپ، شىلىمعا تاۋەلدى قازاقستاندىقتار تەمەكى شەگەمىن دەپ كوپ شىعىنعا باتۋى مۇمكىن. سەبەبى، شەنەۋنىكتەر تەمەكى ونىمدەرىنە باعانى ەكى كەزەڭدە كوتەرۋدى كوزدەپ وتىر.
2019 -جىلى ونشاقتى تەمەكى ماركاسىنا 20 تەڭگە ەمەس، ودان دا كوپ قوسىلادى. وسىلايشا، ەلىمىزدە ەڭ ارزان تەمەكى قورابى 380 تەڭگەدەن تومەن بولمايدى! ايتا كەتۋ كەرەك، ءبىر جىلدىڭ وزىندە ەلىمىزدە تەمەكى قۇنى ورتا ەسەپپەن 10 پايىزعا ءوستى.