بۇل تۋرالى اقوردانىڭ باسپا ءسوز قىزمەتىنەن حابارلادى.
مەملەكەتتەردىڭ باسشىلارى باستى سالالارداعى ەكىجاقتى ىنتىماقتاستىقتى ودان ءارى دامىتۋ ماسەلەلەرىن، سونداي- اق وڭىرلىك جانە حالىقارالىق قۇرىلىمدار اياسىندا ءوزارا ءىس- قيمىل جولدارىن تالقىلادى. سونىمەن بىرگە حالىقارالىق كۇن ءتارتىبىنىڭ بارىنشا وزەكتى ماسەلەلەرى قوزعالدى.
نۇرسۇلتان نازاربايەۆ ەكى ەل حالقىنىڭ تاريحى، ءتىلى جانە مادەنيەتى ورتاق ەكەنىنە توقتالىپ ءوتتى.
«بارشا قازاقستاندىقتار قىرعىزستاندا تۇراقتىلىق پەن تىنىشتىق ساقتالعانىن، ەل دامۋىن جالعاستىرىپ، ورنىقتى مەملەكەت بولعانىن تىلەيدى»، - دەدى قازاقستان پرەزيدەنتى.
المازبەك اتامبايەۆ قىرعىزستان حالقى اتىنان نۇرسۇلتان نازاربايەۆقا ەكى ەل اراسىنداعى تاتۋ كورشىلىكتى نىعايتۋعا قوسقان ۇلەسى ءۇشىن ءى دارەجەلى «ماناس» وردەنىن تابىستادى.
ءوز كەزەگىندە، قازاقستان پرەزيدەنتى ءوزارا ءىس- قيمىلدىڭ ودان ءارى دامۋىنىڭ ماڭىزدىلىعىنا توقتالىپ، جوعارى ناگراداسى ءۇشىن العىس سەزىمىن ءبىلدىردى.
«وسى ناگراداعا لايىقتى بولۋعا تىرىسىپ، ەلدەر اراسىنداعى دوستىق پەن باۋىرلاستىقتى نىعايتىپ، قاتىناستارىمىزدىڭ دەڭگەيىن ودان ءارى ارتتىرۋعا كۇش سالاتىن بولامىز»، - دەدى ن. نازاربايەۆ.