«بيىل قازاقستان تاۋەلسىزدىگىنىڭ 30 جىلدىعىن اتاپ وتەتىن جىل بولىپ وتىر. 1991 -جىلى ەلىمىزدىڭ حالقى ءۇشىن جاڭا ءداۋىردىڭ باسى بولدى. بۇل - بوستاندىق، اتا-بابامىزدىڭ تاريحي مەكەنىندە ەركىن ءومىر ءسۇرۋ، جاڭا مەملەكەت قۇرۋ، ونىڭ تاعدىرى ءۇشىن جاۋاپكەرشىلىك الۋ ۋاقىتى بولدى. سونىڭ بارلىعىن ءوزىمىز باسىمىزدان كەشىرىپ، كوزىمىزبەن كوردىك. ەندى مىنە، بيىل سول 30 جىلدىقتى اتاپ وتەمىز. 30 جىل بۇرىن كوپ ۇلتتى، كوپكونفەسسيالى حالقىمىز ەلىمىزدەگى بىرلىككە، بەيبىتشىلىك پەن كەلىسىمگە قاراي جىلجۋ ءۇشىن تاعى ءبىر ىرگەلى تاڭداۋ جاسادى»، - دەدى ق ح ا- نىڭ ХХІХ سەسسياسىن اشقان ەلباسى.
ق ر تۇڭعىش پرەزيدەنتىنىڭ اتاپ وتۋىنشە، وسى ۋاقىتقا دەيىن ءجۇرىپ وتكەن جولدىڭ، ۇلتتىق دامۋدىڭ ستراتەگيالىق فورمۋلاسىنىڭ دۇرىستىعى مەن تيىمدىلىگىن سەنىممەن ايتۋعا بولادى.
«بۇل ەڭ الدىمەن مەملەكەتتىلىك قۇرىلىسى ءۇشىن بارىنشا قولايلى جاعداي جاساۋعا مۇمكىندىك بەردى جانە قازىرگى زامانعى قازاقستاننىڭ بەت- بەينەسىن قالىپتاستىرۋعا قۋاتتى رەسۋرسپەن قامتاماسىز ەتتى. وسى رەتتە باستى كامەرتون قىزمەتىن «ءبىز، ورتاق تاريحي تاعدىر بىرىكتىرگەن قازاقستان حالقى» دەگەن سوزبەن باستالاتىن كونستيتۋتسيامىزدىڭ پرەامبۋلاسى اتقارا الادى. بۇل سويلەمنىڭ ءمانى وتە ماڭىزدى. ويتكەنى، كونستيۋتسيانى جازۋ بارىسىندا وعان وتە ماڭىزدى ءمان بەرگەن ەدىم. اتا زاڭ ۇلتىنا سەنىمىنە نەمەسە تىلىنە قاراماستان بارلىق وتانداسىمىزدىڭ ورتاق مۇددەسىن بىلدىرەدى. كونستيتۋتسيامىزدىڭ 11-بابى مەملەكەتىمىزدەگى بىرلىكتى، بەيبىتشىلىك مەن كەلىسىمدى بەكىتەدى، قورعايدى جانە نىعايتادى. ەلىمىزدە تىلىنە، دىنىنە، ۇلتىنا بايلانىستى بەلگىلەر بويىنشا قاندايدا ءبىر كەمسىتۋشىلىكە تىيىم سالىنادى»، - دەدى نۇرسۇلتان نازاربايەۆ.