«عالامشاردا جانجال وشاقتارىنىڭ ءوسۋى جاعدايىندا بىزدەرگە حالىقارالىق قاۋىپسىزدىك جۇيەسىن نىعايتۋ ومىرلىك قاجەتتىلىك. بىرىنشىدەن، سەنىمدى، بارىنشا تۇراقتى الەمدىك ءتارتىپتى قالپىنا كەلتىرۋ ءۇشىن حالىقارالىق قۇقىقتىڭ بازالىق ۇستانىمدارىن تاعى ءبىر مارتە قۋاتتاۋ قاجەت»، - دەدى مەملەكەت باسشىسى.
وسى رەتتە قازاقستان كوشباسشىسى قازىرگى جاعدايدا بارلىق مەملەكەتتەردىڭ بىردەي حالىقارالىق شارتتار مەن كەلىسىمدەر بويىنشا ءوز مىندەتتەمەلەرىن ساقتاۋى ماڭىزدى ەكەندىگىن باسا ايتتى.
«قازاقستان تەڭدىك، مۇددەلەردى ءوزارا ەسكەرۋ، حالىقارالىق قۇقىق پەن بىرىككەن ۇلتتار ۇيىمىنىڭ ورتالىق رولىنە ارقا سۇيەي وتىرىپ، باستى پروبلەمالاردى ۇجىمدىق رەتتەۋ ۇستانىمدارىن بەكىتۋدى جاقتايدى.
ەكىنشىدەن، 2010 - جىلدىڭ جەلتوقسانىندا استانادا ە ق ى ۇ- نىڭ سامميتىندە قاتىسۋشى ەلدەر ءبىزدىڭ ورتاق، بولىنبەس ەۋرواتلانتيكالىق جانە ەۋرازيالىق قوعامداستىقتىڭ قاۋىپسىزدىگى يدەيامىزدى قولدادى. بۇگىندە قاۋىپسىزدىكتى قامتاماسىز ەتۋدىڭ بۇل ءادىسى بارىنشا تالاپ ەتىلۋدە. 21-عاسىرداعى سىن- قاتەرلەر اياسىندا ءبىز 1975 - جىلى قابىلدانعان حەلسينكي اكتىسىنە بالاما تۇبەگەيلى جاڭا شارتتى ازىرلەۋگە كىرىسۋدى ۇسىنامىز»، - دەدى ن. نازاربايەۆ.
مەملەكەت باسشىسىنىڭ اتاپ وتۋىنشە، جاڭا شارت ءوزارا مۇددەلەستىك، ە ق ى ۇ- نىڭ استانا دەكلاراتسياسى ۇستانىمدارىنىڭ ءىس جۇزىندە جۇزەگە اسىرىلۋى نەگىزىندە قاۋىپسىزدىكتىڭ جاڭا جۇيەسىن قۇرۋدى قاراستىرۋى ءتيىس.
اۆتور: مارلان جيەمباي