«الداعى ءۇش تاۋلىكتە قازاقستاننىڭ باسىم بولىگىندە اۋا تەمپەراتۋراسىنىڭ بىرتىندەپ تومەندەۋىنە ورتالىعى ەكاتەرينبۋرگتە ورنالاسقان ىلعالدى تسيكلون اسەر ەتەدى. كەي جەرلەردە قار جاۋادى، جەل كۇشەيەدى، سولتۇستىك جارتىسىندا بۇرقاسىن بولادى»، - دەلىنگەن قازگيدرومەت حابارلاماسىندا.
ەلىمىزدىڭ باتىس ايماقتارىنا سۋىق سولتۇستىك- باتىس انتيسيكلوننىڭ جىلجۋىمەن 15-قاراشادان باستاپ جاۋىن- شاشىننىڭ توقتاۋى مۇمكىن. تۇنگى ۋاقىتتاردا ەلىمىزدىڭ باسىم بولىگىندە 10-18 گرادۋس ايازعا دەيىن، قازاقستاننىڭ وڭتۇستىك- باتىسىندا، وڭتۇستىگىندە، وڭتۇستىك- شىعىسىندا جانە شىعىسىندا 2-13 ايازعا دەيىن اۋا تەمپەراتۋراسىنىڭ بىرتىندەپ تومەندەۋى كۇتىلۋدە. رەسپۋبليكا بويىنشا كەي جەرلەردە تۇمان ءتۇسىپ، وڭتۇستىكتە كوكتايعاق بولادى.