ايەلدىڭ وسىعان قاتىستى بىرنەشە پروبلەمالارى تۋىنداۋدا. بۇل تۋرالى 31-ارنا حابارلايدى.
1996 -جىلى ناتاليا شۋبيچۋككە تۋعان كۇن گرافاسىندا قاتە جازىلعان كۋالىك بەرىلگەن. كۋالىكتە ايەلدىڭ 1975 -جىلى ەمەس، 1875 -جىلى تۋىلعانى جازۋلى تۇر. ايەلدىڭ سوزىنشە، ول جىبەرىلگەن قاتەنى سول ۋاقىتتا جوندەتكىزگەن. قۇجاتتى دا، وسى قاتەلىكتى دە شۋبيچۋك ۇمىتىپ كەتكەن ەدى. الايدا، بىلتىرعى جىلدىڭ مامىرىندا بانكتەر ونىڭ زەينەتاقىلىق اۋدارىمدارىن قابىلداۋدى توقتاتتى. تەرمينالداردا «قىزمەتكەر زەينەتاقىلىق جاسقا جەتتى» دەگەن جازۋ شىعادى.
«مەملەكەتتىك قىزمەتكەرلەردىڭ ءوزى قايدا بارۋ كەرەكتىگىن بىلمەيدى. مەن سوندا نە ىستەۋىم كەرەك؟ مەندە ج ك بار، ماعان سالىقتان زەينەتاقى جونىنەن قارىزدارىم بار ەكەنى تۋرالى ۇنەمى حابارلامالار كەلەدى. سوسىن ايىپپۇل بولادى عوي!»، - دەيدى ايەل.
«ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- نىڭ فيليالىنىڭ وكىلى ايدانا جانىبەكوۆانىڭ ايتۋى بويىنشا، تولەمدەر جۇرگىزىلەتىن پوزيتسيالاردىڭ بارلىعى سايكەس كەلەدى. تەگى، جسن، تۋعان كۇنى سايكەس كەلەدى. بارلىعى دۇرىس. ناتاليا ميحايلوۆناعا وسى سۇراق بويىنشا ەكىنشى دەڭگەيدەگى بانكتەرگە بارۋ كەرەك ەكەن.
«حالىقتى قۇجاتتاندىرۋ بويىنشا اقپاراتتىق بازادا بار مالىمەتكە جانە فيزيكالىق تۇلعالاردىڭ مالىمەتى بار مەملەكەتتىك بازاعا سايكەس تەكسەرۋ جۇمىستارى جۇرگىزىلدى. بارلىق مالىمەتتىڭ دۇرىس جازىلعانى كورسەتىلدى»، - دەيدى ميگراتسيالىق قىزمەتتىڭ ينسپەكتورى نازيرا بايماعامبەتوۆا.
تەلەارنانىڭ حابارلاۋى بويىنشا، بانكتەر قاراعاندىنىڭ تۇرعىنىنا ناقتى جاۋاپ بەرمەگەن. ناتاليا شيبۋچۋك سوتقا بارۋعا دايىن. الايدا، ول كىمگە ارىز جازارىن بىلمەيدى.